Համաձայն Հողային օրենսգրքի 3-րդ հոդվածի, 7-րդ հոդվածի 9-րդ և 15-րդ մասերի, «Տեղական ինքնակառավարման մասին» օրենքի 18-րդ հոդվածի 1-ին մասի 42-րդ կետի, Աբովյան համայնքի ղեկավարի 2023 թվականի դեկտեմբերի 29-ի N 643 կարգադրության և հիմք ընդունելով Գրիգորի Մարգարյանի հայտը (մուտք՝ 2023 թվականի դեկտեմբերի 19-ի N Ք-8463), Աբովյան համայնքի ավագանին ո ր ո շ ու մ  է.
1. Գրիգորի Մարգարյանին սեփականության իրավունքով պատկանող (հիմք՝ 2017 թվականի օգոստոսի 21-ի N 21082017-07-0018 վկայական) Աբովյան համայնքի Պտղնի գյուղում գտնվող 07-054-0330-0005 կադաստրային ծածկագրով 0.1576 հեկտար մակերեսով գյուղատնտեսական նշանակության (վարելահող) հողամասի նպատակային նշանակությունը փոփոխել արդյունաբերության, ընդերքօգտագործման և այլ արտադրական նշանակության գյուղատնտեսական արտադրական օբյեկտների՝ մրգերի և բանջարեղենի մշակման և պահածոյացման (չներառված ուրիշ խմբավորումներում) տնտեսություն կառուցելու նպատակով։
2. Սահմանել, որ հողամասի նպատակային նշանակությունը փոփոխված է համարվում պարզեցված կարգով միայն սեփականատիրոջ հայտի համաձայն համայնքի ավագանու կողմից այդ հողամասի նպատակային նշանակությունը փոփոխելու և համայնքի ղեկավարի կողմից տվյալ հողամասի ճարտարապետահատակագծային առաջադրանքը տրամադրելու մասին սահմանված կարգով կայացված որոշումներն ուժի մեջ մտնելուց և հողամասի նկատմամբ փոխված նպատակային նշանակությամբ իրավունքները պետական գրանցում ստանալուց հետո:
3. Սույն որոշումն ուժի մեջ է մտնում Գրիգորի Մարգարյանին որոշման ընդունման մասին իրազեկելու օրվան հաջորդող օրվանից։