Համաձայն «Նորմատիվ իրավական ակտերի մասին» օրենքի 33-րդ հոդվածի 1-ին մասի, Աբովյան համայնքի ավագանու 2018 թվականի դեկտեմբերի 18-ի N 109-Ն որոշման 1-ին կետի, հաշվի առնելով Պետրոս Խաչատրյանի դիմումը (մուտք՝ 2019 թվականի հուլիսի 16-ի N Ք-1532).
    1. Աբովյան համայնքի ղեկավարի 2009 թվականի սեպտեմբերի 9-ի «Աբովյան քաղաքի Սարալանջի փողոցի թիվ 5/151 հասցեում գտնվող համայնքի սեփականություն հանդիսացող ավտոտնակն ու դրա տակ զբաղեցված հողամասը կառուցապատման իրավունքով տրամադրելու և Աբովյանի քաղաքապետի 2009 թվականի մայիսի 5-ի N 168 որոշումը չեղյալ ճանաչելու մասին» N 2461 որոշման մեջ կատարել հետևյալ փոփոխությունները՝ որոշման 1-ին կետում «2015» թիվը փոխարինել «2024» թվով, «8 250 (ութ հազար երկու հարյուր հիսուն)» բառերը փոխարինել «13 190 (տասներեք հազար հարյուր իննսուն)» բառերով։
    2. Սահմանել, որ սույն որոշումից ծագող գույքային իրավունքների նոտարական ձևակերպման և պետական գրանցման հետ կապված վճարների ու տուրքերի վճարումը կատարվում է Պետրոս Խաչատրյանի կողմից:
    3. Սույն որոշումն 30-օրյա ժամկետում պետական գրանցման չներկայացնելու դեպքում կհամարվի ուժը կորցրած։
    4. Սույն որոշումն ուժի մեջ է  մտնում Պետրոս Խաչատրյանին որոշման ընդունման մասին իրազեկելու օրվան հաջորդող օրվանից: