Համաձայն «Տեղական ինքնակառավարման մասին» Հայաստանի Հանրապետության օրենքի 35-րդ հոդվածի 1-ին մասի 24-րդ կետի, Հայաստանի Հանրապետության կառավարության 2006 թվականի մայիսի 18-ի N 912-Ն որոշմամբ հաստատված կարգի 8-րդ, 9-րդ, 10-րդ, 11-րդ, 13-րդ  կետերի, Հայաստանի Հանրապետության կառավարության 2003 թվականի ապրիլի 17-ի N 470-Ն որոշման, հաշվի առնելով այն հանգամանքը, որ ինքնակամ կառուցած շինությունները կառուցված չեն ինժեներատրանսպորտային օբյեկտների օտարման կամ անվտանգության գոտիներում, քաղաքաշինական նորմերի և կանոնների էական խախտումներով, դրանց պահպանումը չի խախտում այլ անձանց իրավունքները և օրենքով պահպանվող շահերը, վտանգ չի սպառնում քաղաքացիների կյանքին ու առողջությանը, չի առաջացնում հարկադիր սերվիտուտ պահանջելու իրավունք և հիմք ընդունելով  Էդուարդ Բաբայանի դիմումը (մուտք՝ 2018 թվականի մարտի 16-ի N Ք-339).
   1. Էդուարդ Վլադիմիրի Բաբայանին սեփականության իրավունքով պատկանող (հիմք` 2012  թվականի դեկտեմբերի 07-ի N 07122012-07-0506 վկայական) Աբովյան քաղաքի  Էդ. Ավագյան  փողոցի թիվ  1/47/1 հասցեում գտնվող 2700.0 քառակուսի մետր  մակերեսով հողամասում ինքնակամ կառուցված 931.5 քառակուսի մետր արտաքին մակերեսով բնակելի տունը, 139.1 քառակուսի մետր արտաքին մակերեսներով ավտոտնակը և ծածկարանները,  59.8 քառակուսի մետր արտաքին մակերեսով պարիսպը համարել օրինական:
  2. Էդուարդ Բաբայանը պարտավոր է ինքնակամ կառուցված 931.5 քառակուսի մետր արտաքին մակերեսով բնակելի տան, 139.1 քառակուսի մետր արտաքին մակերեսներով ավտոտնակի և ծածկարանների, 59.8 քառակուսի մետր արտաքին մակերեսով պարսպի օրինականացման համար սույն որոշման ընդունման օրվանից վաթսուն օրվա ընթացքում Աբովյանի համայնքապետարանի 900105201397 հաշվեհամարին մուծել 2 939 040 (երկու միլիոն ինը հարյուր երեսունինը հազար քառասուն) դրամ, հակառակ դեպքում սույն որոշումը կհամարվի ուժը կորցրած:
   3. Սույն որոշումն ուժի մեջ է մտնում Էդուարդ Բաբայանին որոշման ընդունման մասին իրազեկելուն հաջորդող օրվանից: