Համաձայն Հողային օրենսգրքի 66-րդ հոդվածի 1-ին մասի 3-րդ կետի, «Տեղական ինքնակառավարման մասին» օրենքի 35-րդ հոդվածի 1-ին մասի 22-րդ և 24-րդ կետերի, «Անշարժ գույքի հարկով հարկման նպատակով անշարժ գույքի շուկայական արժեքին մոտարկված կադաստրային գնահատման կարգը սահմանելու մասին» օրենքի 3-րդ հոդվածի 3-րդ մասի, Հայաստանի Հանրապետության կառավարության 2005 թվականի դեկտեմբերի 29-ի N 2387-Ն որոշմամբ հաստատված կարգի 29-րդ, 50-րդ, 51-րդ և 55-րդ կետերի, 2020 թվականի հունիսի 4-ի N 1023-Ն որոշման, Աբովյան համայնքի ավագանու 2022 թվականի մարտի 10-ի N 20-Ա որոշման 2-րդ կետի և 2022 թվականի ապրիլի 15-ի N 26-Ն որոշման, հաշվի առնելով Արիկա Բալասանյանի դիմումը (մուտք՝ 2022 թվականի սեպտեմբերի 22-ի N Ք-4757) և այն հանգամանքը, որ ավտոտնակի զբաղեցրած համայնքային սեփականություն հանդիսացող հողամասը չի համարվում Հողային օրենսգրքի 60-րդ հոդվածով նախատեսված հողամաս.
1. Արիկա Բալասանյանին պատկանող (հիմք՝ 2006 թվականի փետրվարի 17-ի N 2118508 վկայական) Աբովյան համայնքի Աբովյան քաղաքի Սևանի փողոցի 6-րդ միկրոշրջանի թիվ 5 ^Վ շենքի մոտ գտնվող ավտոտնակին և դրա պահպանման ու սպասարկման համար առանձնացված բնակելի կառուցապատման հողամասին տրամադրել հասցե` համայնք Աբովյան, քաղաք Աբովյան, Շուշի թաղամաս, 6/32 ավտոտնակ:
2. Սույն որոշման 1-ին կետում նշված ավտոտնակի պահպանման ու սպասարկման համար առանձնացված 22.39 քառակուսի մետր մակերեսով հողամասը գնման նախապատվության իրավունքով, ուղղակի վաճառքով, հողի կադաստրային արժեքով օտարել Արիկա Բալասանյանին: 
3. Արիկա Բալասանյանը պարտավոր է.
1) համայնքապետարանի 900105201652 հաշվեհամարին մուծել 5 000 (հինգ հազար) դրամ` հասցեի տրամադրման ծառայության վճար.
2) համայնքապետարանի 900105201363 հաշվեհամարին մուծել 99 452 (իննսունինը հազար չորս հարյուր հիսուներկու) դրամ` հողամասի գինը:
4. Սույն որոշումն ուժի մեջ մտնելու օրվանից 60-օրյա ժամկետում որոշումից ծագող գույքային իրավունքների նոտարական ձևակերպում չկատարելու դեպքում որոշումը կհամարվի ուժը կորցրած:
5. Սույն որոշումն ուժի մեջ է մտնում Արիկա Բալասանյանին որոշման ընդունման մասին իրազեկելու օրվան հաջորդող օրվանից: