Զեկ. ԱՐԹՈՒՐ ԽԱՉԱՏՐՅԱՆ

    Համաձայն «Տեղական ինքնակառավարման մասին» օրենքի 18-րդ հոդվածի 1-ին մասի 21-րդ կետի, Հողային օրենսգրքի 48-րդ հոդվածի 3-րդ  մասի,  հիմք ընդունելով Արծրուն Բրուտյանի դիմումը (մուտք՝ 2019 թվականի նոյեմբերի 12-ի N Ք-2544) և այն հանգամանքը, որ համայնքային սեփականություն հանդիսացող հողամասը չի համարվում Հողային օրենսգրքի 60-րդ հոդվածով նախատեսված հողամաս, Աբովյան համայնքի ավագանին ո ր ո շ ու մ է՝
      1. Համաձայնություն տալ Աբովյան համայնքի սեփականություն հանդիսացող (հիմք՝ 2018 թվականի հուլիսի 12-ի N 12072018-07-0101 վկայական, կադաստրային ծածկագիր՝ 07-002-0036-0304) Աբովյան քաղաքի Ուսանողական թաղամասի թիվ 30 հասցեում գտնվող 0.25001 հեկտար մակերեսով բնակավայրերի նպատակային նշանակության այլ հողեր գործառնական նշանակության հողամասը նախապատվության իրավունքով (հիմք՝ 2004 թվականի հոկտեմբերի 07-ի N 0075173 անշարժ գույքի վարձակալության իրավունքի գրանցման վկայական), ուղղակի վաճաքով, հողի կադաստրային արժեքով օտարել Արծրուն Բրուտյանին։
      2. Արծրուն Բրուտյանը պարտավոր է.
      1) Աբովյանի համայնքապետարանի 900105201363 հաշվեհամարին մուծել 7 350 300 (յոթ միլիոն երեք հարյուր հիսուն հազար երեք հարյուր) դրամ՝ հողամասի գինը.
      2) Աբովյանի համայնքապետարանի 900105201652 հաշվեհամարին մուծել 65 000 (վաթսունհինգ հազար) դրամ` համայնքի սեփականություն հանդիսացող անշարժ գույքի օտարման փաստաթղթերի կազմման համար ծառայության վճար:
      3. Սահմանել, որ սույն որոշումից ծագող գույքային իրավունքների նոտարական ձևակերպման և պետական գրանցման հետ կապված վճարների ու տուրքերի վճարումը կատարվում է Արծրուն Բրուտյանի կողմից: 
      4. Սույն որոշումն ուժի մեջ է մտնում Արծրուն Բրուտյանին որոշման ընդունման մասին իրազեկելու օրվա հաջորդող օրվանից։