Համաձայն Հողային օրենսգրքի 66-րդ հոդվածի 1-ին մասի 3-րդ կետի, «Տեղական ինքնակառավարման մասին» օրենքի 35-րդ հոդվածի 1-ին մասի 24-րդ կետի, Հայաստանի Հանրապետության կառավարության 2003 թվականի ապրիլի 17-ի N 470-Ն, 2006 թվականի մայիսի 18-ի N 912-Ն, 2006 թվականի մայիսի 26-ի N 1022-Ն և 2007 թվականի օգոստոսի 9-ի N 1036-Ն որոշումների, Աբովյան համայնքի ավագանու 2018 թվականի դեկտեմբերի 18-ի N 107-Ն և 2019 թվականի հունվարի 9-ի N 03-Ա որոշումների, հաշվի առնելով Սարգիս Սահակյանի համաձայնությունը.
     1. Աբովյան համայնքի սեփականություն հանդիսացող (հիմք` 2019 թվականի նոյեմբերի 25-ի N 25112019-07-0017 վկայական) Պիոներական փողոցի  թիվ 1/9/17 հասցեում գտնվող առևտրի կրպակը՝ 10.28 քառակուսի մետր արտաքին մակերեսով, 9.37 քառակուսի մետր ներքին մակերեսով և դրա պահպանման ու սպասարկման համար առանձնացված 10.28 քառակուսի մետր մակերեսով հասարակական կառուցապատման հողամասը գնման նախապատվության իրավունքով ուղղակի վաճառքով օտարել կառույցն իրականացրած Սարգիս Սահակյանին:
     2. Ընդունել ի գիտություն, որ`
      1) շինության պահպանումը չի խախտում այլ անձանց իրավունքները և օրենքով պահպանվող շահերը, վտանգ չի սպառնում քաղաքացիների կյանքին ու առողջությանը.
      2) շինությունը, համաձայն համայնքի գլխավոր հատակագծի և համայնքին փոխանցված հողերի ցանկի, կառուցված չէ Հողային օրենսգրքի 60-րդ հոդվածով սահմանված հողամասերի վրա, ինչպես նաև ինժեներատրանսպորտային օբյեկտների օտարման կամ անվտանգության գոտիներում.
      3) շինությունը կառուցված չէ քաղաքաշինական նորմերի և կանոնների էական խախտումներով և չի առաջացնում հարկադիր սերվիտուտ պահանջելու իրավունք:
     3. Ուղղակի վաճառքի գները սահմանված են հետևյալ հաշվարկով.
      1) առևտրի կրպակի 1 քառակուսի մետրի համար` 18 900 (տասնութ հազար ինը հարյուր) դրամ (տարածագնահատման 8-րդ գոտի, կիրառված գործակիցը` 0.21).
      2) առանձնացված հողամասի 1 քառակուսի մետրի կադաստրային արժեքը` 2 940 (երկու հազար ինը հարյուր քառասուն) դրամ:
     4. Սարգիս Սահակյանը պարտավոր է վճարել.
      1) համայնքապետարանի 900105201777 հաշվեհամարին՝ 194 290 (հարյուր իննսունչորս հազար երկու հարյուր իննսուն) դրամ` առևտրի կրպակի գինը.
      2) համայնքապետարանի 900105201363 հաշվեհամարին` 30 220 (երեսուն հազար երկու հարյուր քսան) դրամ` հողամասի գինը.
      3) համայնքապետարանի 900105201652 հաշվեհամարին` 45 000 (քառասունհինգ հազար) դրամ` համայնքի սեփականություն հանդիսացող անշարժ գույքի օտարման փաստաթղթերի կազմման համար ծառայության վճար, 5 000 (հինգ հազար) դրամ` հասցեի տրամադրման ծառայության վճար:
     5. Սահմանել, որ սույն որոշումից ծագող գույքային իրավունքների նոտարական ձևակերպման և պետական գրանցման հետ կապված վճարների ու տուրքերի վճարումը կատարվում է Սարգիս Սահակյանի  կողմից:
     6. Սույն որոշումն ուժի մեջ է մտնում Սարգիս Սահակյանին որոշման ընդունման մասին իրազեկելու օրվան հաջորդող օրվանից: