Համաձայն «Տեղական ինքնակառավարման մասին» օրենքի 18-րդ հոդվածի 1-ին մասի 42-րդ կետի,  «Շրջակա միջավայրի վրա ազդեցության գնահատման և փորձաքննության մասին» օրենքի 16-րդ հոդվածի 3-րդ մասի, Հայաստանի Հանրապետության կառավարության 2014 թվականի նոյեմբերի 19-ի N 1325-Ն որոշման, հաշվի առնելով 2024 թվականի մարտի 22-ին կայացած հանրային քննարկման արդյունքները, հիմք ընդունելով «Նոգառա» սահմանափակ պատասխանատվությամբ ընկերության տնօրենի գրությունը (մուտք՝ 2024 թվականի փետրվարի 14-ի N Տ-330), Աբովյան համայնքի ավագանին ո ր ո շ ու մ է՝
1.Տալ նախնական համաձայնություն «Նոգառա» սահմանափակ պատասխանատվությամբ ընկերությանը Հայաստանի Հանրապետության Կոտայքի մարզի Աբովյան համայնքի Արամուսի բազալտի հանքավայրի Նոգառա տեղամասում իրականացնելու օգտակար հանածոյի արդյունահանման աշխատանքներ։
2. Սույն որոշումն ուժի մեջ է մտնում պաշտոնական հրապարակմանը հաջորդող օրվանից։