Համաձայն Քաղաքացիական օրենսգրքի 466-րդ հոդվածի, «Տեղական ինքնակառավարման մասին» օրենքի 18-րդ հոդվածի 1-ին մասի 42-րդ կետի, ղեկավարվելով «Անշարժ գույքի հարկով հարկման նպատակով անշարժ գույքի շուկայական արժեքին մոտարկված կադաստրային գնահատման կարգը սահմանելու մասին» օրենքով, Հայաստանի Հանրապետության կառավարության 2020 թվականի հունիսի 4-ի N 1023-Ն որոշմամբ, հաշվի առնելով հողամասերի կադաստրային արժեքների փոփոխությունները, հիմք ընդունելով «Պրես Ստենդ» սահմանափակ պատասխանատվության ընկերության տնօրեն Էդգար Խանզադյանի դիմումը (մուտք՝ 2025 թվականի մայիսի 13 N Տ-1245), համայնքի հետ կնքված կառուցապատման պայմանագրերը, կառուցապատման իրավունք ունեցող անձի համաձայնությունը, Աբովյան համայնքի ավագանին  ո ր ո շ ու մ  է`       
1. Համաձայնություն տալ Հայաստանի Հանրապետության Կոտայքի մարզի Աբովյան համայնքի և «Պրես Ստենդ» սահմանափակ պատասխանատվության ընկերության միջև կնքված հողատարածքների կառուցապատման թվով 6 պայմանագրում կառուցապատման իրավունքի տարեկան վճարի չափերի, պայմանագրերի ժամկետների և պայմանագրերի առարկաների բնութագրերում փոփոխություն կատարելուն՝ համաձայն հավելվածի։
2. Համայնքի ղեկավարին՝ Հայաստանի Հանրապետության օրենսդրությամբ սահմանված կարգով կատարել սույն որոշման 1-ին կետով նշված փոփոխությունները:
3. Սույն որոշումն ուժի մեջ է մտնում ընդունմանը հաջորդող օրվանից: