Համաձայն «Նորմատիվ իրավական ակտերի մասին» օրենքի 33-րդ և 34-րդ հոդվածների, Հայաստանի Հանրապետության կառավարության 2015 թվականի մարտի 19-ի N 596-Ն որոշման, Աբովյան համայնքի ավագանու 2025 թվականի հունվարի 23-ի N 03-Ն որոշման, հիմք ընդունելով «ԱՐՏՇԻՆՆԱԽ» սահմանափակ պատասխանատվությամբ ընկերության  կողմից 2025 թվականի հոկտեմբերի 13-ին լրամշակված և փոփոխված աշխատանքային նախագիծը, հաշվի առնելով Արման Ղևոնդյանի լիազորած անձ Արսեն Հակոբյանի դիմումը (մուտք՝ 2025 թվականի հոկտեմբերի 29-ի N Ք-7196).
1. Համաձայնեցնել Աբովյան համայնքի ղեկավարի 2024 թվականի դեկտեմբերի 05-ի «Արման Ղևոնդյանին շինարարության թույլտվություն տալու մասին» N 4925 որոշմամբ հաստատված N ՇԹ/758/1731-24 շինարարության թույլտվությամբ սահմանված նախագծային փաստաթղթերում կատարված փոփոխությունը և Արման Ղևոնդյանին տալ շինարարության թույլտվություն:
2. Արման Ղևոնդյանը պարտավոր է Աբովյանի համայնքապետարանի 900105201454 հաշվեհամարին մուծել 15 000 (տասնհինգ հազար) դրամ տեղական տուրք՝ շինարարության թույլտվության համար:
3. Սույն որոշումն ուժի մեջ է մտնում որոշման ընդունման մասին իրազեկելու օրվան հաջորդող օրվանից: