Համաձայն «Տեղական ինքնակառավարման մասին» օրենքի 35-րդ հոդվածի 1-ին մասի 22-րդ և 24-րդ կետերի, Հայաստանի Հանրապետության կառավարության 2005 թվականի դեկտեմբերի 29-ի N 2387-Ն որոշմամբ հաստատված կարգի 29-րդ, 50-րդ, 51-րդ և 55-րդ կետերի, 2007 թվականի օգոստոսի 09-ի N 1036-Ն որոշման, 2011 թվականի դեկտեմբերի 29-ի N 1920-Ն որոշմամբ հաստատված կարգի 24-րդ կետի 3-րդ ենթակետի, Աբովյան համայնքի ավագանու 2023 թվականի դեկտեմբերի 22-ի N 199-Ն որոշման, հաշվի առնելով Գայանե Սարգսյանի դիմումը (մուտք՝ 2024 թվականի սեպտեմբերի 12-ի N Ք-6777).
1. Փոփոխել Գայանե Սարգսյանին պատկանող (հիմք՝ 2024 թվականի մայիսի 10-ի N 10052024-07-0041 վկայական) Աբովյան համայնքի Աբովյան քաղաքի 3-րդ միկրոշրջանի թիվ 15/10 հասցեում գտնվող 24.4 քառակուսի մետր մակերեսով բնակավայրերի նպատակային նշանակության բնակելի կառուցապատման հողամասի գործառնական նշանակությունը որպես հասարակական կառուցապատման հողամաս:
2. Գայանե Սարգսյանին պատկանող (հիմք՝ 2022 թվականի նոյեմբերի 25-ի N 25112022-07-0142 և 2024 թվականի մայիսի 10-ի N 10052024-07-0041 վկայականներ) Աբովյան համայնքի Աբովյան քաղաքի 3-րդ միկրոշրջանի թիվ 15/9 և թիվ 15/10 հասցեներում գտնվող անշարժ գույքերին՝ «ԳԻՍ-ԱՐՏ» սահմանափակ պատասխանատվությամբ ընկերության կողմից 2024 թվականի սեպտեմբերի 17-ին կազմված միավորման սխեմայի (կցվում է) համաձայն` տրամադրել միասնական հասցե՝ համայնք Աբովյան, քաղաք Աբովյան, 3-րդ միկրոշրջան, 15/9։
3. Գայանե Սարգսյանը պարտավոր է.
1) Աբովյանի համայնքապետարանի 900105201652 հաշվեհամարին վճարել 7 550 (յոթ հազար հինգ հարյուր հիսուն) դրամ` որպես հողամասի գործառնական նշանակության փոփոխության ծառայության վճար:
2) Աբովյանի համայնքապետարանի 900105201652 հաշվեհամարին վճարել 10 000 (տասը հազար) դրամ` հասցեի տրամադրման ծառայության վճար:
4. Սույն որոշումն ուժի մեջ է մտնում Գայանե Սարգսյանին որոշման ընդունման մասին իրազեկելու օրվան հաջորդող օրվանից։ |