Համաձայն «Տեղական ինքնակառավարման մասին» օրենքի 18-րդ հոդվածի 1-ին մասի 21-րդ կետի, Աբովյան համայնքի ավագանու 2023 թվականի դեկտեմբերի 22-ի N 228-Ա որոշման, հաշվի առնելով «Վարմօն Ռիելթի» սահմանափակ պատասխանատվությամբ ընկերության 2024 թվականի ապրիլի 25-ի 147-Վ/024 անշարժ գույքի գնահատման հաշվետվությունը և հիմք ընդունելով Աշոտ Խաչատրյանի լիազորած անձ Վարդիթեր Խաչատրյանի դիմումը (մուտք՝ 2024 թվականի հունիսի 13-ի N Ք-4291) Աբովյան համայնքի ավագանին ո ր ո շ ու մ է`
1. Դադարեցնել Աբովյան համայնքի Աբովյան քաղաքի 2-րդ միկրոշրջանի 2/703 հասցեում գտնվող ավտոտնակի և հողամասի կառուցապատման իրավունքը և լուծել Աբովյան համայնքի ղեկավարի և Աշոտ Խաչատրյանի միջև 2009 թվականի սեպտեմբերի 24-ին կնքված (գրանցված է Կոտայք նոտարական տարածքի նոտարի սեղանամատյանում N 3835) կառուցապատման իրավունքի տրամադրման պայմանագիրը: 
2. Աբովյան համայնքի սեփականություն հանդիսացող (հիմք՝ 2009 թվականի մարտի 19-ի N 2503017 վկայական) 17.4 քառակուսի մետր մակերեսով ավտոտնակը և 07-002-039-244 կադաստրային ծածկագրով 20.46 քառակուսի մետր մակերեսով հողամասը, ըստ նշանակության օգտագործելու նպատակով, տարեկան 120 000 (հարյուր քսան հազար) դրամ վարձավճարով, 10 (տասը) տարի ժամկետով վարձակալությամբ տրամադրել Աշոտ Արտավազդի Խաչատրյանին։
3. Սահմանել, որ սույն որոշումից ծագող իրավունքների պետական գրանցման հետ կապված վճարների և տուրքերի վճարումները կատարվում են Աշոտ Խաչատրյանի կողմից։
4. Սույն որոշումն ուժի մեջ է մտնում որոշման ընդունման մասին իրազեկելու օրվան հաջորդող օրվանից: