Համաձայն «Նորմատիվ իրավական ակտերի մասին» օրենքի 33-րդ և 34-րդ հոդվածների, Հայաստանի Հանրապետության կառավարության 2015 թվականի մարտի 19-ի N 596-Ն որոշման, Աբովյան համայնքի ավագանու 2025 թվականի հունվարի 23-ի N 03-Ն որոշման, հիմք ընդունելով «ՀԱԲՇԻՆ ՆԱԽԱԳԻԾ» սահմանափակ պատասխանատվությամբ ընկերության կողմից 2025 թվականի օգոստոսի 25-ին լրամշակված և փոփոխված աշխատանքային նախագիծը, հաշվի առնելով Գրիգոր Աբոյանի դիմումը (մուտք՝ 2025 թվականի սեպտեմբերի 22-ի N Ք-6245).
1. Համաձայնեցնել Աբովյան համայնքի ղեկավարի 2021 թվականի սեպտեմբերի 09-ի «Գրիգոր Աբոյանին և Հասմիկ Հայրապետյանին շինարարության թույլտվություն տալու մասին» N 1089 որոշմամբ հաստատված N 95 շինարարության թույլտվությամբ սահմանված նախագծային փաստաթղթերում կատարված փոփոխությունը և տալ շինարարության թույլտվություն:
2. Սույն որոշման 1-ին կետում նշված անձինք պարտավոր են Աբովյանի համայնքապետարանի 900105201454 հաշվեհամարին մուծել 180 000 (հարյուր ութսուն հազար) դրամ տեղական տուրք՝ շինարարության թույլտվության համար:
3. Սույն որոշումն ուժի մեջ է մտնում որոշման ընդունման մասին իրազեկելու օրվան հաջորդող օրվանից: