Համաձայն «Տեղական ինքնակառավարման մասին» օրենքի 35-րդ հոդվածի 1-ին մասի  24-րդ կետի,  Հայաստանի Հանրապետության կառավարության 2002 թվականի փետրվարի 02-ի N 88 որոշման և 2011 թվականի դեկտեմբերի 29-ի N 1920-Ն որոշմամբ հաստատված կարգի 24-րդ կետի 3-րդ ենթակետի,  Աբովյան համայնքի ավագանու 2024 թվականի օգոստոսի 13-ի N 111-Ն և դեկտեմբերի 24-ի N 203-Ն որոշումների, հիմք ընդունելով «ԱՐՏԱԳԵՐԱՏԵՍՉԱԿԱՆ ՓՈՐՁԱՔՆՆՈՒԹՅՈՒՆ» փակ բաժնետիրական ընկերության կողմից 2025 թվականի հունիսի 23-ին տրված եզրակացությունը և Արթուր Հակոբյանի դիմումը (մուտք՝ 2025 թվականի հունիսի 30-ի N Ք-4344).
1. Թույլատրել փոփոխելու Արթուր Հակոբյանին սեփականության իրավունքով պատկանող (հիմք՝ 2008 թվականի հունվարի 16-ի N 2500581 վկայական) Աբովյան համայնքի Արամուս գյուղի Ջրմուղի փողոցի 11/1 հասցեում գտնվող 40,0 քառակուսի մետր մակերեսով  բնակավայրերի նպատակային նշանակության հողամասի գործառնական նշանակությունը որպես հասարակական կառուցապատման հողամաս։
2. Թույլատրել փոփոխելու սույն որոշման 1-ին կետում նշված հողամասի վրա գտնվող 40,0 քառակուսի մետր արտաքին  36,96 քառակուսի մետր ներքին մակերեսով տնտեսական շինության գործառական նշանակությունը և առանց ճարտարապետահատակագծային առաջադրանքի ու նախագծային փաստաթղթերի, ներքին հարդարման աշխատանքներն ավարտելուց հետո այն օգտագործել որպես հասարակական նշանակության առևտրի սրահ:
3. Արթուր Հակոբյանը պարտավոր է Աբովյանի համայնքապետարանի 900105201652 հաշվեհամարին վճարել  24 000 (քսանչորս հազար) դրամ` որպես հողամասի գործառնական և շինության գործառական նշանակությունների փոփոխության ծառայության վճարներ:
4. Սույն որոշումն ուժի մեջ է մտնում Արթուր Հակոբյանին որոշման ընդունման մասին իրազեկելու օրվան հաջորդող օրվանից։