Համաձայն «Նորմատիվ իրավական ակտերի մասին» օրենքի  13-րդ հոդվածի 6-րդ մասի, 33-րդ, 34-րդ և 38.1-րդ հոդվածների, հաշվի առնելով Աբովյանի համայնքապետարանի աշխատակազմի իրավաբանական բաժնի պետի զեկուցագիրը (մուտք՝ 2024 թվականի մայիսի 23-ի N Ք-3758) և հիմք ընդունելով այն հանգամանքը, որ Աբովյան համայնքի ղեկավարի 2024 թվականի մայիսի 23-ի N 2446 որոշման մեջ տեղի է ունեցել վրիպակ.  
1. Չեղյալ ճանաչել Աբովյան համայնքի ղեկավարի 2024 թվականի մայիսի 23-ի «Աբովյան համայնքի  ղեկավարի 2022 թվականի ապրիլի 22-ի N 854 որոշման մեջ փոփոխություն և լրացում կատարելու մասին» N 2446 որոշումը։
2. Աբովյան համայնքի ղեկավարի 2022 թվականի ապրիլի 22-ի «Աբովյան համայնքի սեփականություն հանդիսացող գույքի աճուրդների կազմակերպման նպատակով աճուրդային հանձնաժողով ստեղծելու մասին» N 854 որոշման 1-ին կետում կատարել հետևյալ փոփոխությունը և լրացումը.    
1) հանել 7-րդ ենթակետը.
2) 8-րդ ենթակետում «անդամ» բառից հետո լրացնել «՝ արձանագրող» բառով։ 
3. Սույն որոշումն ուժի մեջ է մտնում որոշման ընդունման պահից և տարածվում է 2024 թվականի մայիսի 23-ից առաջացած իրավահարաբերությունների վրա: