Համաձայն «Տեղական ինքնակառավարման մասին» օրենքի 35-րդ հոդվածի 1-ին մասի 24-րդ կետի, «Անշարժ գույքի հարկով հարկման նպատակով անշարժ գույքի շուկայական արժեքին մոտարկված կադաստրային գնահատման կարգը սահմանելու մասին» օրենքի 4-րդ հոդվածի 2-րդ մասի 6-րդ կետի, Հայաստանի Հանրապետության կառավարության 2006 թվականի մայիսի 18-ի N 912-Ն որոշմամբ հաստատված կարգի 8-րդ, 8.1-րդ, 9-րդ, 11-րդ, 13-րդ և 18-րդ կետերի, 2020 թվականի հունիսի 4-ի N 1023-Ն որոշման, հաշվի առնելով այն հանգամանքը, որ այգետնակը, հենապատ-աստիճանները և սանհանգույցը կառուցված չեն, ինչպես նաև ինքնակամ իրականացված ձևափոխումները իրականացված չեն ինժեներատրանսպորտային օբյեկտների օտարման կամ անվտանգության գոտիներում, քաղաքաշինական նորմերի և կանոնների էական խախտումներով, դրանց պահպանումը չի խախտում այլ անձանց իրավունքները և օրենքով պահպանվող շահերը, վտանգ չի սպառնում քաղաքացիների կյանքին ու առողջությանը, չի առաջացնում հարկադիր սերվիտուտ պահանջելու իրավունք, հիմք ընդունելով Սոնա Թերզյանի լիազորած անձ Արթուր Ղարիբյանի դիմումը (մուտք՝ 2024 թվականի հոկտեմբերի 09-ի N Ք-7375). 1. Սոնա Հովսեփի Թերզյանին սեփականության իրավունքով պատկանող (հիմք՝ 2014 թվականի մարտի 21-ի N 21032014-07-0007 վկայական) Աբովյան համայնքի Պտղնի գյուղի Պտղնի 3 այգեգործական զանգվածի 3-րդ թաղամասի թիվ 31 հասցեում գտնվող 524.8 քառակուսի մետր փաստացի մակերեսով բնակելի կառուցապատման հողամասում ինքնակամ կառուցված 139.6 քառակուսի մետր արտաքին մակերեսով, 119.9 քառակուսի մետր ներքին մակերեսով այգետնակը, 6.8 քառակուսի մետր մակերեսով հենապատ-աստիճանները, 1.2 քառակուսի մետր արտաքին, 1.0 քառակուսի մետր ներքին մակերեսով սանհանգույցը, ինքնակամ բացված 3 պատուհանը և 1 դուռը համարել օրինական (Կադաստրի կոմիտեում հաշվառման ծածկագիր՝ 2023WFRH57): 2. Սոնա Թերզյանը պարտավոր է ինքնակամ կառուցված այգետնակի, հենապատ-աստիճանների, սանհանգույցի և ինքնակամ իրականացված ձևափոխումների օրինականացման համար սույն որոշման ընդունման օրվանից 60 (վաթսուն) օրվա ընթացքում Աբովյանի համայնքապետարանի 900105201397 հաշվեհամարին վճարել 248 274 (երկու հարյուր քառասունութ հազար երկու հարյուր յոթանասունչորս) դրամ, հակառակ դեպքում սույն որոշումը կհամարվի ուժը կորցրած: 3. Սույն որոշումն ուժի մեջ է մտնում որոշման ընդունման մասին իրազեկելու օրվան հաջորդող օրվանից:
|