Համաձայն «Տեղական ինքնակառավարման մասին» օրենքի 42-րդ հոդվածի 1-ին մասի 6-րդ կետի, Հայաստանի Հանրապետության կառավարության 2015 թվականի մարտի 19-ի N 596-Ն որոշման,  հաշվի առնելով «ԻՆՖՐԱ ԴԻԶԱՅՆ» սահմանափակ պատասխանատվությամբ ընկերության կողմից 2024 թվականի փետրվարի 28-ին տրված Աբովյան համայնքի փողոցների, բակերի մայթերի ասֆալտի փոսային վերանորոգման և ասֆալտապատման աշխատանքների իրականացման համար նախագծանախահաշվային փաստաթղթերի կազման խորհրդատվական աշխատանքների նախահաշիվ նախագիծը, հիմք ընդունելով Աբովյան համայնքի ղեկավարի առաջին տեղակալի զեկուցագիրը (մուտք՝ 2024 թվականի փետրվարի 28-ի N Ք-1462).
1. Աբովյան համայնքին՝ ի դեմս համայնքի ղեկավարի, տալ Աբովյան համայնքի Աբովյան քաղաքի փողոցների, բակերի, մայթերի ասֆալտի փոսային վերանորոգման և ասֆալտապատման  շինարարության թույլտվություն (շինարարության թույլտվությունը կցվում է):
2. Կառուցապատողը շինարարական աշխատանքները սկսելուց առնվազն երեք օր առաջ պարտավոր է Աբովյան համայնքի ղեկավարին ներկայացնել N 2-5 ձևի տեղեկանք:
3. Սույն որոշումն ուժի մեջ է մտնում որոշման ընդունման պահից: