Համաձայն Վարչական իրավախախտումների վերաբերյալ օրենսգրքի 35-րդ հոդվածի, 48-րդ հոդվածի 1-ին մասի, 154-րդ հոդվածի 3-րդ մասի, 219.1-ին, 275-283-րդ, 286-288-րդ, 298-րդ, 302-րդ և 305-րդ հոդվածների, «Տեղական ինքնակառավարման մասին» օրենքի 35-րդ հոդվածի 1-ին մասի 26-րդ կետի, «Վարչարարության հիմունքների և վարչական վարույթի մասին» օրենքի 30-րդ հոդվածի 1-ին մասի «բ» կետի, 53-րդ հոդվածի, հիմք ընդունելով 2025 թվականի հուլիսի 18-ի քաղաքաշինության ոլորտում վարչական իրավախախտում թույլ տալու փաստի մասին N 26 արձանագրությունը և վարչական հանձնաժողովի 2025 թվականի օգոստոսի 05-ի արձանագրությունը.
1. Համայնքային սեփականություն հանդիսացող հողամասն ինքնակամ զավթելու և դրա հետևանքները չվերացնելու համար «ԱԼԵՔՍԱՐՍ» սահմանափակ պատասխանատվությամբ ընկերության տնօրեն Կարեն Բաղդասարյանի նկատմամբ Վարչական իրավախախտումների վերաբերյալ օրենսգրքի 48-րդ հոդվածի 1-ին մասի հատկանիշներով նշանակել վարչական տուգանք՝ 200 000 (երկու հարյուր հազար) դրամի չափով, իսկ սեփականության իրավունքով համայնքին պատկանող հողամասի վրա հողօգտագործման իրավունք չունեցող անձի կողմից շինարարական աշխատանքներ իրականացնելու համար՝ Վարչական իրավախախտումների վերաբերյալ օրենսգրքի 154-րդ հոդվածի 3-րդ մասի հատկանիշներով՝ 2 000 000 (երկու միլիոն) դրամի չափով:
2. «ԱԼԵՔՍԱՐՍ» սահմանափակ պատասխանատվությամբ ընկերության տնօրեն Կարեն Բաղդասարյանը պարտավոր է սույն որոշումն իրեն հանձնելու օրվանից 15-օրյա ժամկետում նշանակված տուգանքի գումարը մուծել Աբովյանի համայնքապետարանի 900105201272 հաշվեհամարին և վճարման անդորրագիրը ներկայացնել Աբովյան համայնքի ղեկավարին առընթեր վարչական հանձնաժողով:
3. Սույն որոշումը կարող է բողոքարկվել կամ վարչական կարգով Աբովյան համայնքի ղեկավարին՝ այն սահմանված կարգով հանձնելու (հանձնված համարվելու) օրվանից հետո՝ երեսուն օրվա ընթացքում կամ Հայաստանի Հանրապետության վարչական դատավարության օրենսգրքով սահմանված դատական կարգով՝ վարչական ակտի ուժի մեջ մտնելու պահից երկամսյա ժամկետում։
4. Սույն որոշման պահանջները չկատարելու դեպքում այն ենթակա է հարկադիր կատարման՝ որոշումն անբողոքարկելի դառնալուց հետո երեք ամսվա ընթացքում:
5. Սույն որոշումն ուժի մեջ է մտնում «ԱԼԵՔՍԱՐՍ» սահմանափակ պատասխանատվությամբ ընկերության տնօրեն Կարեն Բաղդասարյանին որոշման ընդունման մասին իրազեկելու օրվան հաջորդող օրվանից: |