Համաձայն «Տեղական ինքնակառավարման մասին» օրենքի 35-րդ հոդվածի 1-ին մասի 24-րդ կետի, «Անշարժ գույքի հարկով հարկման նպատակով անշարժ գույքի շուկայական արժեքին մոտարկված կադաստրային գնահատման կարգը սահմանելու մասին» օրենքի 4-րդ հոդվածի 2-րդ մասի 6-րդ կետի, Հայաստանի Հանրապետության կառավարության 2006 թվականի մայիսի 18-ի N 912-Ն որոշմամբ հաստատված կարգի 8-րդ, 9-րդ, 10-րդ, 11-րդ և 13-րդ կետերի, 2020 թվականի հունիսի 4-ի N 1023-Ն որոշման, հաշվի առնելով այն հանգամանքը, որ բնակելի տունը, խորդանոցը, ծածկոցը, ավտոտնակը և պարիսպը կառուցված չեն ինժեներատրանսպորտային օբյեկտների օտարման կամ անվտանգության գոտիներում, քաղաքաշինական նորմերի և կանոնների էական խախտումներով, դրանց պահպանումը չի խախտում այլ անձանց իրավունքները և օրենքով պահպանվող շահերը, վտանգ չի սպառնում քաղաքացիների կյանքին ու առողջությանը, չի առաջացնում հարկադիր սերվիտուտ պահանջելու իրավունք և հիմք ընդունելով Էդիկ Սարգսյանի դիմումը (մուտք՝ 2024 թվականի նոյեմբերի 21-ի N Ք-8456).
1. Էդիկ Ռաֆիկի Սարգսյանին սեփականության իրավունքով պատկանող (հիմք՝ 2023 թվականի դեկտեմբերի 19-ի N 19122023-07-0016 վկայական) Աբովյան համայնքի Պտղնի գյուղի Պտղնի-2 այգետարածքի 3-րդ թաղամասի թիվ 21 հասցեում գտնվող 728.5 քառակուսի մետր փաստացի մակերեսով բնակելի կառուցապատման հողամասում ինքնակամ կառուցված 101.25 քառակուսի մետր արտաքին, 79.38 քառակուսի մետր ներքին մակերեսով բնակելի տունը, 10.44 քառակուսի մետր արտաքին, 8.64 քառակուսի մետր ներքին մակերեսով խորդանոցը, 19.14 քառակուսի մետր մակերեսով ծածկոցը, 43.70 քառակուսի մետր արտաքին, 40.24 քառակուսի մետր ներքին մակերեսով ավտոտնակը, 1.30 քառակուսի մետր մակերեսով պարիսպը համարել օրինական (Կադաստրի կոմիտեում հաշվառման ծածկագիր՝ 2023NZVCKW):
2. Էդիկ Սարգսյանը պարտավոր է ինքնակամ կառուցված բնակելի տան, խորդանոցի, ծածկոցի, ավտոտնակի և պարսպի օրինականացման համար սույն որոշման ընդունման օրվանից 60 (վաթսուն) օրվա ընթացքում Աբովյանի համայնքապետարանի 900105201397 հաշվեհամարին մուծել 287 471 (երկու հարյուր ութսունյոթ հազար չորս հարյուր յոթանասունմեկ) դրամ, հակառակ դեպքում՝ սույն որոշումը կհամարվի ուժը կորցրած:
3. Սույն որոշումն ուժի մեջ է մտնում Էդիկ Սարգսյանին որոշման ընդունման մասին իրազեկելու օրվան հաջորդող օրվանից։
|