Զեկ. ԱՐՄԵՆ ՊՈՂՈՍՅԱՆ

Համաձայն «Տեղական ինքնակառավարման մասին» օրենքի 18-րդ հոդվածի 1-ին մասի 21-րդ կետի, Աբովյան համայն­քի ավագանու 2020 թվականի դեկտեմբերի 25-ի N 70-Ն որոշման, հաշվի առնելով «ՎԱՐՄՕՆ ՌԻԵԼԹԻ» սահմանափակ պատասխանատվությամբ ընկերության 2021 թվականի հոկտեմբերի 13-ի թիվ «387Գ-01/Վ-021» գնահատման հաշվետվությունը, որով անշարժ գույքը գնահատվել է 548 000 (հինգ հարյուր քառասունութ հազար) դրամ, նկատի ունենալով այն հանգամանքը, որ Բելա Մանուկյանը 1980 թվականից բնակվում է Գառնի փողոցի 7 շենքի թիվ 5 բնակարանում, հիմք ընդունելով Բելա Մանուկյանի դիմումը (մուտք՝ 2021 թվականի հոկտեմբերի 11-ի N Ք-3217), Աբովյան համայնքի ավագանին  ո ր ո շ ու մ  է`
1. Համայնքի սեփականություն հանդիսացող (հիմք` 2008 թվականի մարտի 10-ի N 2507378 վկայական) Աբովյան քաղաքի Գառնի փողոցի 7 շենքի 54.4 քառակուսի մետր ընդհանուր մակերեսուվ թիվ 5 բնակարանն ուղղակի վաճառքով՝ 548 000 (հինգ հարյուր քառասունութ հազար) դրամով, օտարել Բելա Մանուկյանին։
2.  Բելա Մանուկյանը պարտավոր է վճարել.
1) համայնքապետարանի 900105201777 հաշվեհամարին 548 000 (հինգ հարյուր քառասունութ հազար) դրամ` բնակարանի գինը.
2) համայնքապետարանի 900105201652 հաշվեհամարին 73 000 (յոթանասուներեք հազար) դրամ` համայնքի սեփականություն հանդիսացող անշարժ գույքի օտարման փաստաթղթերի կազմման համար ծառայության վճար: 
3. Սույն որոշումից ծագող գույքային իրավունքների նոտարական ձևակերպման և պետական գրանցման հետ կապված վճարների ու տուրքերի վճարումը կատարվում է Բելա Մանուկյանի կողմից:
4. Սույն որոշումն ուժի մեջ մտնելու օրվանից 60-օրյա ժամկետում որոշումից ծագող գույքային իրավունքների նոտարական ձևակերպում չկատարելու դեպքում որոշումը կհամարվի ուժը կորցրած:
5. Սույն որոշումն ուժի մեջ է մտնում Բելա Մանուկյանին որոշման ընդունման մասին իրազեկելու օրվան հաջորդող օրվանից: