Համաձայն «Տեղական ինքնակառավարման մասին» օրենքի 18-րդ հոդվածի 1-ին մասի 42-րդ կետի, «Շրջակա միջավայրի վրա ազդեցության գնահատման և փորձաքննության մասին» օրենքի 16-րդ հոդվածի 3-րդ մասի, Հայաստանի Հանրապետության կառավարության 2014 թվականի նոյեմբերի 19-ի N 1325-Ն որոշման, հաշվի առնելով 2024 թվականի հուլիսի 23-ին կայացած հանրային քննարկման արդյունքները, հիմք ընդունելով «Ա․Ա․Բ․ Պրոեկտ» սահմանափակ պատասխանատվությամբ ընկերության տնօրենի գրությունը (մուտք՝ 2024 թվականի հունիսի 18-ի N Տ-1184), Աբովյան համայնքի ավագանին ո ր ո շ ու մ է՝
1. Տալ նախնական համաձայնություն «Ա․Ա․Բ․ Պրոեկտ» սահմանափակ պատասխանատվությամբ ընկերությանը Հայաստանի Հանրապետության Կոտայքի մարզի Աբովյան համայնքի՝ Արամուս բնակավայրի վարչական սահմաններում գտնվող բազալտների երևակման շուրջ 15․28 հա տարածքի վրա, կատարելու երկրաբանահետախուզական աշխատանքներ, այն գնահատելու որպես հումք՝ խճի արտադրության համար։
2. Սույն որոշումն ուժի մեջ է մտնում պաշտոնական հրապարակմանը հաջորդող օրվանից։ |