Համաձայն Հողային օրենսգրքի 3-րդ հոդվածի, «Տեղական ինքնակառավարման մասին» օրենքի 18-րդ հոդվածի 1-ին մասի 29-րդ և 42-րդ կետերի, Հայաստանի Հանրապետության կառավարության 2011 թվականի դեկտեմբերի 29-ի N 1920-Ն որոշմամբ հաստատված կարգի 64-րդ կետի, հաշվի առնելով Արամ Հակոբյանի դիմումը (մուտք՝ 2021 թվականի հոկտեմբերի 5-ի N Ք-3177),  հիմք ընդունելով Հայաստանի Հանրապետության համայնքների քաղաքաշինական ծրագրային փաստաթղթերի մշակման աշխատանքները համակարգող միջգերատեսչական հանձնաժողովի 2022 թվականի ապրիլի 25-ի N 1/փ-83 դրական եզրակացությունը, Աբովյան համայնքի ավագանին  ո ր ո շ ու մ  է.
1. Արամ Հակոբյանին սեփականության իրավունքով պատկանող (հիմք՝ 2012 թվականի հունիսի 12-ի N 12022012-07-0163 վկայական, կադաստրային համար՝ 07-002-0093-0013) Աբովյան քաղաքի Կոտայքի փողոցի 5-րդ նրբանցքի թիվ 10 հասցեում գտնվող 0.08 հեկտար մակերեսով արդյունաբերության, ընդերքօգտագործման և այլ արտադրական նշանակության հողամասի  նպատակային նշանակությունը փոփոխել բնակավայրերի նպատակային նշանակության։
2. Սույն որոշումն ուժի մեջ է մտնում Արամ Հակոբյանին որոշման ընդունման մասին իրազեկելու օրվան հաջորդող օրվանից: