Համաձայն «Նորմատիվ իրավական ակտերի մասին» օրենքի 33-րդ և 34-րդ հոդվածների, Հայաստանի Հանրապետության կառավարության 2015 թվականի մարտի 19-ի N 596-Ն որոշման, Աբովյան համայնքի ավագանու 2025 թվականի հունվարի 23-ի N 03-Ն որոշման, հիմք ընդունելով «ՀԱԲՇԻՆ ՆԱԽԱԳԻԾ» սահմանափակ պատասխանատվությամբ ընկերության կողմից 2025 թվականի մայիսի 23-ին լրամշակված և փոփոխված աշխատանքային նախագիծը, անշարժ գույքի նկատմամբ իրավունքների պետական գրանցման 2024 թվականի սեպտեմբերի 03-ի N 03092024-07-0168 վկայականը, հաշվի առնելով Դավիթ Վանյանի դիմումը (մուտք՝ 2025 թվականի սեպտեմբերի 23-ի N Ք-6291).
1. Համաձայնեցնել Աբովյան համայնքի ղեկավարի 2024 թվականի մայիսի 07-ի «Տարոն Անդրեասյանին բնակելի տան և պարսպի կառուցման շինարարության թույլտվություն տալու մասին» N 2185 որոշմամբ հաստատված N 255 շինարարության թույլտվությամբ սահմանված նախագծային փաստաթղթերում կատարված փոփոխությունը և Դավիթ Վանյանին տալ շինարարության թույլտվություն:
2. Դավիթ Վանյանը պարտավոր է Աբովյանի համայնքապետարանի 900105201454 հաշվեհամարին մուծել 45 000 (քառասունհինգ հազար) դրամ տեղական տուրք՝ շինարարության թույլտվության համար:
3. Սույն որոշումն ուժի մեջ է մտնում որոշման ընդունման մասին իրազեկելու օրվան հաջորդող օրվանից: |