Համաձայն «Տեղական ինքնակառավարման մասին» օրենքի 35-րդ հոդվածի 1-ին մասի 22-րդ և 24-րդ կետերի, Հայաստանի Հանրապետության կառավարության 2005 թվականի դեկտեմբերի 29-ի N 2387-Ն որոշմամբ հաստատված կարգի 29-րդ, 50-րդ, 51-րդ և 55-րդ կետերի, Աբովյան համայնքի ավագանու 2023 թվականի դեկտեմբերի 22-ի N 199-Ն որոշման, հաշվի առնելով Բարսեղ Գրիգորյանի դիմումը (մուտք՝ 2024 թվականի դեկտեմբերի 17-ի N Ք-9075).
1. Բարսեղ Գրիգորյանին սեփականության իրավունքով պատկանող (հիմք` 2023 թվականի փետրվարի 09-ի N 09022023-07-0001, 2024 թվականի հոկտեմբերի 15-ի N 15102024-07-0124 և N 15102024-07-0146 վկայականներ) Աբովյան համայնքի Աբովյան քաղաքի Արզնու խճուղու թիվ 1/2/4, 1/2/4/1, թիվ 4/1 և թիվ 4/2 հասցեներում գտնվող անշարժ գույքերին՝ «ՈՒՐԲԱՆ ՀԱՈՒՍԻՆԳ» սահմանափակ պատասխանատվությամբ ընկերության կողմից 2024 թվականի դեկտեմբերի 11-ին կազմված միավորման սխեմայի (կցվում է) համաձայն` տրամադրել միասնական հասցե՝ համայնք Աբովյան, քաղաք Աբովյան, Արզնու խճուղի, 4։
2. Բարսեղ Գրիգորյանը պարտավոր է Աբովյանի համայնքապետարանի 900105201652 հաշվեհամարին մուծել 10 000 (տասը հազար) դրամ` հասցեի տրամադրման ծառայության վճար:
3. Սույն որոշումն ուժի մեջ է մտնում Բարսեղ Գրիգորյանին որոշման ընդունման մասին իրազեկելու օրվան հաջորդող օրվանից։