Համաձայն Վարչական իրավախախտումների վերաբերյալ օրենսգրքի 43.1-րդ հոդվածի 3-րդ մասի 10-րդ կետի,  219¹-ին, 275-283-րդ, 286-288-րդ, 298-րդ, 302-րդ և 305-րդ հոդվածների, «Տեղական ինքնակառավարման մասին» օրենքի 35-րդ հոդվածի 1-ին մասի 26-րդ կետի, «Վարչարարության հիմունքների և վարչական վարույթի մասին» օրենքի 30-րդ հոդվածի 1-ին մասի «բ» կետի, 53-րդ հոդվածի, հիմք ընդունելով 2025 թվականի օգոստոսի 20-ի «Աբովյանի համայնքային կոմունալ տնտեսություն» համայնքային ոչ առևտրային կազմակերպության աշխատակիցների կողմից կազմված N 001/25 վարչական իրավախախտման վերաբերյալ արձանագրությունը և վարչական հանձնաժողովի 2025 թվականի սեպտեմբերի 15-ի արձանագրությունը.
1. Չսահմանված ու չնախատեսված տեղերում և վայրերում անասնապահական  գործունեության հետևանքով առաջացած թափոններ թափելու համար «ՊՈՐԿԵՏՏԱ» սահմանափակ պատասխանատվությամբ ընկերության տնօրեն Արմեն Կարապետյանի նկատմամբ Վարչական իրավախախտումների վերաբերյալ օրենսգրքի 43.1-րդ հոդվածի 3-րդ մասի 10-րդ կետի հատկանիշներով նշանակել վարչական տուգանք՝ 100 000 (հարյուր հազար) դրամի չափով:
2. «ՊՈՐԿԵՏՏԱ» սահմանափակ պատասխանատվությամբ ընկերության տնօրեն Արմեն Կարապետյանը պարտավոր է սույն որոշումն իրեն հանձնելու օրվանից 15-օրյա ժամկետում նշանակված տուգանքի գումարը մուծել Աբովյանի համայնքապետարանի 900105201272 հաշվեհամարին և վճարման անդորրագիրը ներկայացնել Աբովյան համայնքի ղեկավարին առընթեր վարչական հանձնաժողով:
3. Սույն որոշումը կարող է բողոքարկվել կամ վարչական կարգով Աբովյան համայնքի ղեկավարին՝  այն սահմանված կարգով հանձնելու (հանձնված համարվելու) օրվանից հետո՝ երեսուն օրվա ընթացքում կամ Հայաստանի Հանրապետության վարչական դատավարության օրենսգրքով սահմանված դատական կարգով՝ վարչական ակտի ուժի մեջ մտնելու պահից երկամսյա ժամկետում։
4. Սույն որոշման պահանջները չկատարելու դեպքում այն ենթակա է հարկադիր կատարման՝ որոշումն անբողոքարկելի դառնալուց հետո երեք ամսվա ընթացքում:
5. Սույն որոշումն ուժի մեջ է մտնում «ՊՈՐԿԵՏՏԱ» սահմանափակ պատասխանատվությամբ ընկերության տնօրեն Արմեն Կարապետյանին որոշման ընդունման մասին իրազեկելու օրվան հաջորդող օրվանից։