Համաձայն Հողային օրենսգրքի 66-րդ հոդվածի 1-ին մասի 8-րդ կետի և 2-րդ մասի, «Տեղական ինքնակառավարման մասին» օրենքի 18-րդ հոդվածի 1-ին մասի 21-րդ կետի, Հայաստանի Հանրապետության կառավարության 2016 թվականի մայիսի 26-ի N 550-Ն որոշման 1-ին կետի 6-րդ ենթակետի, 2-րդ կետի, Աբովյան համայնքի ավագանու 2023 թվականի դեկտեմբերի 22-ի N 198-Ն և N 199-Ն որոշումների և հիմք ընդունելով Հայկ Կարապետյանի դիմումը (մուտք՝ 2024 թվականի փետրվարի 01-ի N Ք-638), Աբովյան համայնքի ավագանին ո ր ո շ ու մ է.
1. Հայկ Վարդանի Կարապետյանին սեփականության իրավունքով պատկանող (հիմք՝ 2021 թվականի դեկտեմբերի 10-ի N 10122021-07-0136 վկայական) Աբովյան համայնքի Աբովյան քաղաքի Երիտասարդական փողոցի թիվ 1/1/5 հասցեում գտնվող 07-002-0089-0331 կադաստրային ծածկագրով բնակավայրերի նպատակային նշանակության 82.0 քառակուսի մետր մակերեսով բնակավայրերի նպատակային նշանակության հասարակական կառուցապատման հողամասին կից Աբովյան համայնքի սեփականություն հանդիսացող (հիմք՝ 2024 թվականի հունվարի 30-ի N 30012024-07-0227 վկայական) Աբովյան քաղաքի Երիտասարդական փողոցի թիվ 1/14 հասցեում գտնվող 07-002-0089-0388 կադաստրային ծածկագրով 72.0 քառակուսի մետր մակերեսով բնակավայրերի նպատակային նշանակության հասարակական կառուցապատման հողամասը կադաստրային արժեքով, ուղղակի վաճառքով, ընդլայնման նպատակով օտարել սահմանակից ընդլայնվող 07-002-0089-0331 կադաստրային ծածկագրով հողամասի սեփականատեր Հայկ Վարդանի Կարապետյանին։
2. Հայկ Կարապետյանը պարտավոր է՝
1) Աբովյանի համայնքապետարանի 900105201363 հաշվեհամարին վճարել 756 994 (յոթ հարյուր հիսունվեց հազար ինը հարյուր իննսունչորս) դրամ՝ ընդլայնվող հողամասի կադաստրային արժեքը.
2) Աբովյանի համայնքապետարանի 900105201652 հաշվեհամարին վճարել 65 000 (վաթսունհինգ հազար) դրամ՝ համայնքի մատուցած ծառայությունների դիմաց փոխհատուցման վճար և 10 000 (տասը հազար) դրամ՝ հասցեի տրամադրման ծառայության վճար:
3. Սահմանել, որ սույն որոշումից ծագող գույքային իրավունքների նոտարական ձևակերպման և պետական գրանցման հետ կապված վճարների ու տուրքերի վճարումները կատարվում են Հայկ Կարապետյանի կողմից։
4. Սույն որոշումն ուժի մեջ է մտնում Հայկ Կարապետյանին որոշման ընդունման մասին իրազեկելու օրվան հաջորդող օրվանից։ |