Համաձայն «Տեղական ինքնակառավարման մասին» օրենքի 35-րդ հոդվածի 1-ին մասի 24-րդ կետի, «Անշարժ գույքի հարկով հարկման նպատակով անշարժ գույքի շուկայական արժեքին մոտարկված կադաստրային գնահատման կարգը սահմանելու մասին» օրենքի 4-րդ հոդվածի 2-րդ մասի 6-րդ կետի, Հայաստանի Հանրապետության կառավարության 2006 թվականի մայիսի 18-ի N 912-Ն որոշման 3-րդ կետի և որոշմամբ հաստատված կարգի 9-րդ, 10-րդ, 11-րդ, 17-րդ և 18-րդ կետերի, 2020 թվականի հունիսի 4-ի N 1023-Ն որոշման, հաշվի առնելով այն հանգամանքը, որ պահակակետը և պարիսպը կառուցված չեն ինժեներատրանսպորտային օբյեկտների օտարման կամ անվտանգության գոտիներում, քաղաքաշինական նորմերի և կանոնների էական խախտումներով, դրանց պահպանումը չի խախտում այլ անձանց իրավունքները և օրենքով պահպանվող շահերը, վտանգ չի սպառնում քաղաքացիների կյանքին ու առողջությանը, չի առաջացնում հարկադիր սերվիտուտ պահանջելու իրավունք և հիմք ընդունելով Մեջլում Հայրապետյանի լիազորած անձ Ելենա Մանուչարյանի դիմումը (մուտք՝ 2025 թվականի հոկտեմբերի 20-ի N Ք-6927).
1. Մեջլում Մակեդոնի Հայրապետյանին սեփականության իրավունքով պատկանող (հիմք՝ 2013 թվականի հուլիսի 16-ի N 16072013-07-0048 վկայական) Աբովյան համայնքի Աբովյան քաղաքի Հատիսի փողոցի թիվ 1/80/1 հասցեում գտնվող 659.92 քառակուսի մետր մակերեսով  հողամասում ինքնակամ կառուցված 32.37 քառակուսի մետր արտաքին, 23.4 քառակուսի մետր ներքին մակերեսով հասարակական նշանակության պահակակետը և 3.51 քառակուսի մետր մակերեսով պարիսպը համարել օրինական (Կադաստրի կոմիտեում հաշվառման ծածկագիր՝ 2023EU4FXX):
2. Սույն որոշման 1-ին կետում նշված հողամասի գործառնական նշանակությունը համարել փոփոխված որպես բնակավայրերի նշանակության հասարակական կառուցապատման հողամաս։
3. Մեջլում Հայրապետյանը պարտավոր է ինքնակամ կառուցված պահակակետի և պարսպի օրինականացման համար սույն որոշման ընդունման օրվանից 60 (վաթսուն) օրվա ընթացքում Աբովյանի համայնքապետարանի 900105201397 հաշվեհամարին մուծել 166 197 (հարյուր վաթսունվեց հազար հարյուր իննսունյոթ) դրամ, հակառակ դեպքում՝ սույն որոշումը կհամարվի ուժը կորցրած:
4. Սույն որոշումն ուժի մեջ է մտնում որոշման ընդունման մասին իրազեկելու օրվան հաջորդող օրվանից։