Համաձայն Հողային օրենսգրքի 71-րդ հոդվածի, «Տեղական ինքնակառավարման մասին» օրենքի 18-րդ հոդվածի 1-ին մասի 21-րդ կետի, Հայաստանի Հանրապետության կառավարության 2001 թվականի ապրիլի 12-ի N 286 որոշմամբ հաստատված կարգի 29-րդ, 30-րդ, 32-36-րդ կետերի, Աբովյան համայնքի ավագանու 2023 թվականի դեկտեմբերի 22-ի N 198-Ն և 199-Ն որոշումների, հաշվի առնելով Սահակ Բադալյանի դիմումը (մուտք՝ 2024 թվականի փետրվարի 12-ի N Ք-947) Աբովյան համայնքի ավագանին ո ր ո շ ու մ է. 
1. Համաձայնություն տալ Սահակ Բադալյանին սեփականության իրավունքով պատկանող (հիմք` 2023 թվականի ապրիլի 05-ի N 05042023-07-0091 վկայական) Աբովյան քաղաքի Հանրապետության պողոտայի թիվ 20/3 հասցեում գտնվող 25.38 քառակուսի մետր մակերեսով հասարակական կառուցապատման հողամասի փոխանակմանը Աբովյան համայնքի սեփականություն հանդիսացող (հիմք՝ 2023 թվականի նոյեմբերի 07-ի N 07112023-07-0109 վկայական) Աբովյան քաղաքի Սևանի փողոցի թիվ 2/16 հասցեում գտնվող 25.38 քառակուսի մետր մակերեսով հասարակական կառուցապատման հողամասի հետ:
2. Սահակ Բադալյանը պարտավոր է Աբովյանի համայնքապետարանի 900105201652 հաշվեհամարին վճարել 65 000 (վաթսունհինգ հազար) դրամ՝ համայնքի մատուցած ծառայությունների դիմաց փոխհատուցման վճար և 10 000 (տասը հազար) դրամ՝ հասցեի տրամադրման ծառայության վճար:
3. Սահմանել, որ սույն որոշումից ծագող գույքային իրավունքների նոտարական ձևակերպման և պետական գրանցման հետ կապված վճարների ու տուրքերի վճարումը կատարվում է Սահակ Բադալյանի կողմից:
4. Սույն որոշումն ուժի մեջ է մտնում Սահակ Բադալյանին որոշման ընդունման մասին իրազեկելու օրվան հաջորդող օրվանից: