Համաձայն Հողային օրենսգրքի 3-րդ հոդվածի, «Տեղական ինքնակառավարման մասին» օրենքի 35-րդ հոդվածի 1-ին մասի 24-րդ կետի, Աբովյան համայնքի ավագանու 2024 թվականի օգոստոսի 13-ի N 111-Ն որոշման, հիմք ընդունելով Աբովյանի համայնքապետարանի աշխատակազմի քաղաքաշինության և հողաշինարարության բաժնի պետի զեկուցագիրը (մուտք՝ 2025 թվականի նոյեմբերի 13-ի N Ք-7500).
1. Աբովյան համայնքի Գետարգել գյուղում գտնվող համայնքային սեփականություն հանդիսացող 07-058-0028-0002 կադաստրային ծածկագրով հողամասից 223.0 քառակուսի մետր մակերեսով էներգետիկայի, կապի, տրանսպորտի, կոմունալ ենթակառուցվածքների օբյեկտների նպատակային նշանակության կապի հողամասի նշանակությունը փոփոխել որպես բնակավայրերի նպատակային նշանակության բնակելի կառուցապատման գործառնական նշանակության հողամաս:
2. Հաստատել սույն որոշման 1-ին կետում նշված հողամասի՝ «Միքայել Հակոբյան» անհատ ձեռնարկատիրոջ կողմից կազմված հատակագիծը (կցվում է)։
3. Սույն որոշումն ուժի մեջ է մտնում որոշման ընդունման պահից: |