Համաձայն «Տեղական ինքնակառավարման մասին» օրենքի 35-րդ հոդվածի 1-ին մասի  24-րդ կետի,  Հայաստանի Հանրապետության կառավարության 2002 թվականի փետրվարի 02-ի N 88 որոշման և 2011 թվականի դեկտեմբերի 29-ի N 1920-Ն որոշմամբ հաստատված կարգի 24-րդ կետի 3-րդ ենթակետի,  Աբովյան համայնքի ավագանու 2024 թվականի օգոստոսի 13-ի N 111-Ն և դեկտեմբերի 24-ի N 203-Ն որոշումների, հիմք ընդունելով «ԱՐՏ.ԱԼԵՔՍ» սահմանափակ պատասխանատվությամբ ընկերության կողմից 2025 թվականի սեպտեմբերի 25-ին տրված եզրակացությունը և Էդիկ Բալյանի դիմումը (մուտք՝ 2025 թվականի սեպտեմբերի 26-ի N Ք-6386).
1. Թույլատրել փոփոխելու Էդիկ Բալյանին սեփականության իրավունքով պատկանող (հիմք՝ 2025 թվականի սեպտեմբերի 10-ի N 10092025-07-0205 վկայական) Աբովյան համայնքի Աբովյան քաղաքի Հատիսի 1-ին թաղամասի 1/22 հասցեում գտնվող 39.6 քառակուսի մետր մակերեսով  բնակավայրերի նպատակային նշանակության հասարակական կառուցապատման հողամասի գործառնական նշանակությունը որպես բնակելի կառուցապատման հողամաս։
2. Թույլատրել փոփոխելու սույն որոշման 1-ին կետում նշված հողամասի վրա գտնվող 79.2 քառակուսի մետր արտաքին, 61.15 քառակուսի մետր ներքին մակերեսով սպասարկման օբյեկտի գործառական նշանակությունը և առանց ճարտարապետահատակագծային առաջադրանքի ու նախագծային փաստաթղթերի, ներքին հարդարման աշխատանքներն ավարտելուց հետո այն օգտագործել որպես բնակելի նշանակության բնակելի տուն:
3. Էդիկ Բալյանը պարտավոր է Աբովյանի համայնքապետարանի 900105201652 հաշվեհամարին վճարել  33 760 (երեսուներեք հազար յոթ հարյուր վաթսուն) դրամ` որպես հողամասի գործառնական և շինության գործառական նշանակությունների փոփոխության ծառայության վճարներ:
4. Սույն որոշումն ուժի մեջ է մտնում Էդիկ Բալյանին որոշման ընդունման մասին իրազեկելու օրվան հաջորդող օրվանից։