Համաձայն Վարչական իրավախախտումների վերաբերյալ օրենսգրքի 156-րդ հոդվածի 1-ին մասի, 219.1-ին, 275-283-րդ, 286-288-րդ, 298-րդ, 302-րդ և 305-րդ հոդվածների, «Տեղական ինքնակառավարման մասին» օրենքի 35-րդ հոդվածի 1-ին մասի 26-րդ կետի, «Վարչարարության հիմունքների և վարչական վարույթի մասին» օրենքի 30-րդ հոդվածի 1-ին մասի «բ» կետի, 53-րդ հոդվածի, հիմք ընդունելով Աբովյան համայնքի ավագանու 2022 թվականի սեպտեմբերի 29-ի N 111-Ն որոշումը, ինչպես նաև 2023 թվականի նոյեմբերի 15-ին կազմված բարեկարգման բնագավառում վարչական իրավախախտում թույլ տալու փաստի մասին N 69 արձանագրությունը և Աբովյան համայնքի ղեկավարին առընթեր վարչական հանձնաժողովի 2023 թվականի նոյեմբերի 30-ի արձանագրությունը.
1. Ընդհանուր օգտագործման տարածքներում բարեկարգման կանոնները խախտելու համար «Արման Հովհաննիսյան Ալբերտի» անհատ ձեռնարկատիրոջ նկատմամբ նշանակել վարչական տուգանք` 10 000 (տասը հազար) դրամի չափով:
2. «Արման Հովհաննիսյան Ալբերտի» անհատ ձեռնարկատերը պարտավոր է սույն որոշումն իրեն հանձնելու օրվանից 15-օրյա ժամկետում նշանակված տուգանքի գումարը մուծել Աբովյանի համայնքապետարանի 900105201272 հաշվեհամարին և վճարման անդորրագիրը ներկայացնել Աբովյան համայնքի ղեկավարին առընթեր վարչական հանձնաժողով:
3. Սույն որոշումը կարող է վարչական կարգով բողոքարկվել Աբովյան համայնքի ղեկավարին կամ դատական կարգով Հայաստանի Հանրապետության վարչական դատարան՝ այն սահմանված կարգով հանձնելու (հանձնված համարվելու) օրվանից հետո՝ երեսուն օրվա ընթացքում։
4. Սույն որոշման պահանջները չկատարելու դեպքում այն ենթակա է հարկադիր կատարման՝ Հայաստանի Հանրապետության հարկադիր կատարումն ապահովող ծառայության միջոցով՝ սույն որոշման 2-րդ կետով՝ կամավոր կատարման համար սահմանված ժամկետն անցնելուց հետո` որոշման կայացման օրվանից երեք ամսվա ընթացքում:
5. Սույն որոշումն ուժի մեջ է մտնում «Արման Հովհաննիսյան Ալբերտի» անհատ ձեռնարկատիրոջը որոշման ընդունման մասին իրազեկելու օրվան հաջորդող օրվանից: