Համաձայն «Տեղական ինքնակառավարման մասին» օրենքի 18-րդ հոդվածի 1-ին մասի 42-րդ կետի, «Շրջակա միջավայրի վրա ազդեցության գնահատման և փորձաքննության մասին» օրենքի 16-րդ հոդվածի 3-րդ մասի, Հայաստանի Հանրապետության կառավարության 2014 թվականի նոյեմբերի 19-ի N 1325-Ն որոշման, հաշվի առնելով 2024 թվականի մայիսի 3-ին կայացած հանրային քննարկման արդյունքները, հիմք ընդունելով «Գ․Վ․Հ․ ՄԱՅՆԻՆԳ» սահմանափակ պատասխանատվությամբ ընկերության տնօրենի գրությունը (մուտք՝ 2024 թվականի մարտի 27-ի N Տ-587), Աբովյան համայնքի ավագանին ո ր ո շ ու մ է՝
1. Տալ նախնական համաձայնություն «Գ․Վ․Հ․ ՄԱՅՆԻՆԳ» սահմանափակ պատասխանատվությամբ ընկերությանը Հայաստանի Հանրապետության Կոտայքի մարզի Աբովյան համայնքի Կամարիս բնակավայրի Գյամրեզի անդեզիտաբազալտների հանքավայրի տեղամասում իրականացնելու օգտակար հանածոյի արդյունահանման թույլտվություն ստանալու նպատակով անհրաժեշտ աշխատանքներ։
2. Սույն որոշումն ուժի մեջ է մտնում պաշտոնական հրապարակմանը հաջորդող օրվանից։ |