Համաձայն «Տեղական ինքնակառավարման մասին» օրենքի 35-րդ հոդվածի 1-ին մասի 24-րդ կետի, «Անշարժ գույքի հարկով հարկման նպատակով անշարժ գույքի շուկայական արժեքին մոտարկված կադաստրային գնահատման կարգը սահմանելու մասին» օրենքի 4-րդ հոդվածի 2-րդ մասի 6-րդ կետի, Հայաստանի Հանրապետության կառավարության 2006 թվականի մայիսի 18-ի N 912-Ն որոշմամբ հաստատված կարգի 8-րդ, 9-րդ, 10-րդ, 11-րդ և 13-րդ կետերի, 2020 թվականի հունիսի 4-ի N 1023-Ն որոշման, հաշվի առնելով այն հանգամանքը, որ բնակելի տունը, հարթակը և պարիսպները կառուցված չեն ինժեներատրանսպորտային օբյեկտների օտարման կամ անվտանգության գոտիներում, քաղաքաշինական նորմերի և կանոնների էական խախտումներով, դրանց պահպանումը չի խախտում այլ անձանց իրավունքները և օրենքով պահպանվող շահերը, վտանգ չի սպառնում քաղաքացիների կյանքին ու առողջությանը, չի առաջացնում հարկադիր սերվիտուտ պահանջելու իրավունք, հիմք ընդունելով Տաթևիկ Աբրահամյանի դիմումը (մուտք՝ 2024 թվականի դեկտեմբերի 12-ի N Ք-8969).
1. Արմեն Մկրտիչի Մկրտչյանին և Տաթևիկ Մանվելի Աբրահամյանին ընդհանուր համատեղ սեփականության իրավունքով պատկանող (հիմք՝ 2023 թվականի դեկտեմբերի 26-ի N 04102024-07-0095 վկայական) Աբովյան համայնքի Առինջ գյուղի Դուրյան թաղամասի 2-րդ փողոցի թիվ 7 հասցեում գտնվող 496.9 քառակուսի մետր մակերեսով բնակելի կառուցապատման հողամասում ինքնակամ կառուցված 309.84 քառակուսի մետր արտաքին, 266.37 քառակուսի մետր ներքին մակերեսով բնակելի տունը, 4.68 քառակուսի մետր մակերեսով հարթակը և 19.59 քառակուսի մետր ընդհանուր մակերեսով պարիսպները համարել օրինական (Կադաստրի կոմիտեում հաշվառման ծածկագիր՝ 2023SAFXHN):
2. Սույն որոշման 1-ին կետում նշված անձինք պարտավոր են ինքնակամ կառուցված բնակելի տան, հարթակի և պարիսպների օրինականացման համար սույն որոշման ընդունման օրվանից 60 (վաթսուն) օրվա ընթացքում Աբովյանի համայնքապետարանի 900105201397 հաշվեհամարին վճարել 902 275 (ինը հարյուր երկու հազար երկու հարյուր յոթանասունհինգ) դրամ, հակառակ դեպքում սույն որոշումը կհամարվի ուժը  կորցրած: 
3. Սույն որոշումն ուժի մեջ է մտնում որոշման ընդունման մասին իրազեկելու օրվան հաջորդող օրվանից: