Համաձայն Հողային օրենսգրքի 66-րդ հոդվածի 1-ին մասի 3-րդ կետի, «Տեղական ինքնակառավարման մասին» օրենքի 35-րդ հոդվածի 1-ին մասի 24-րդ կետի, 43-րդ հոդվածի 1-ին մասի 3-րդ կետի, «Անշարժ գույքի հարկով հարկման նպատակով անշարժ գույքի շուկայական արժեքին մոտարկված կադաստրային գնահատման կարգը սահմանելու մասին» օրենքի 3-րդ հոդվածի 3-րդ մասի, Հայաստանի Հանրապետության կառավարության 2020 թվականի հունիսի 4-ի N 1023-Ն որոշման, Աբովյան համայնքի ավագանու 2024 թվականի հունվարի 16-ի N 06-Ա որոշման, հաշվի առնելով այն հանգամանքը, որ ավտոտնակի զբաղեցրած համայնքային սեփականություն հանդիսացող հողամասն Աբովյան համայնքի ավագանու 2024 թվականի օգոստոսի 13-ի N 111-Ն որոշմամբ հաստատված Աբովյան համայնքի տարածական պլանավորման փաստաթղթերով ներառված չէ Հողային օրենսգրքի 60-րդ հոդվածով սահմանված հողամասերի ցանկում, հիմք ընդունելով Ֆեդյա Ասադովի դիմումը (մուտք՝ 2025 թվականի նոյեմբերի 04-ի N Ք-7298).
1. Ֆեդյա Պավելի Ասադովին պատկանող (հիմք՝ 2025 թվականի օգոստոսի 6-ի N 06082025-07-0044 վկայական) Աբովյան համայնքի Աբովյան քաղաքի 2-րդ միկրոշրջանի 2/41 հասցեում գտնվող ավտոտնակի պահպանման ու սպասարկման համար առանձնացված 23.4 քառակուսի մետր մակերեսով բնակելի կառուցապատման հողամասը գնման նախապատվության իրավունքով, ուղղակի վաճառքով, հողամասի կադաստրային արժեքով օտարել Ֆեդյա Պավելի Ասադովին։
2. Ֆեդյա Ասադովը պարտավոր է Աբովյանի համայնքապետարանի 900105201363 հաշվեհամարին վճարել 378 540 (երեք հարյուր յոթանասունութ  հազար հինգ հարյուր քառասուն) դրամ` հողամասի գինը:
3. Սահմանել, որ սույն որոշումից ծագող գույքային իրավունքների նոտարական ձևակերպման և պետական գրանցման հետ կապված վճարների ու տուրքերի վճարումը կատարվում է Ֆեդյա Ասադովի կողմից:
4. Սույն որոշման ընդունման օրվանից օտարման համար սահմանված վճարի` 60-օրյա ժամկետում չվճարման դեպքում որոշումը կհամարվի ուժը կորցրած:
5. Սույն որոշումն ուժի մեջ է մտնում Ֆեդյա Ասադովին որոշման ընդունման մասին իրազեկելու օրվան հաջորդող օրվանից: