Համաձայն Վարչական իրավախախտումների վերաբերյալ օրենսգրքի 158-րդ հոդվածի 12-րդ մասի, 219.1-ին, 275-283-րդ, 286-288-րդ, 298-րդ, 302-րդ և 305-րդ հոդվածների, «Տեղական ինքնակառավարման մասին» օրենքի 35-րդ հոդվածի 1-ին մասի 26-րդ կետի, «Վարչարարության հիմունքների և վարչական վարույթի մասին» օրենքի 30-րդ հոդվածի 1-ին մասի «բ» կետի, 53-րդ հոդվածի, «Առևտրի և ծառայությունների մասին» օրենքի 9-րդ հոդվածի 18-րդ մասի, «Անհատ ձեռնարկատիրոջ մասին» օրենքի 9-րդ հոդվածի 3-րդ մասի և հիմք ընդունելով Աբովյան համայնքի ղեկավարի 2024 թվականի հունիսի 06-ի N 2699 որոշումը, 2024 թվականի սեպտեմբերի 18-ի առևտրի և ծառայության բնագավառում վարչական իրավախախտում թույլ տալու փաստի մասին N 03 արձանագրությունը և վարչական հանձնաժողովի 2024 թվականի հոկտեմբերի 04-ի արձանագրությունը.
1. Սեղմված բնական գազի մանրածախ առևտրի կետից դուրս «Առևտրի և ծառայությունների մասին»  օրենքով արգելվող ապրանք՝   սեղմված բնական գազ վաճառելու  համար Աշոտ Հովհաննիսյանի նկատմամբ Վարչական իրավախախտումների վերաբերյալ օրենսգրքի 158-րդ հոդվածի 12-րդ մասի հատկանիշներով նշանակել վարչական տուգանք՝ 50 000 (հիսուն հազար) դրամի չափով:
2.Աշոտ Հովհաննիսյանը պարտավոր է սույն որոշումն իրեն հանձնելու օրվանից 15-օրյա ժամկետում նշանակված տուգանքի գումարը մուծել Աբովյանի համայնքապետարանի 900105201272 հաշվեհամարին և վճարման անդորրագիրը ներկայացնել Աբովյան համայնքի ղեկավարին առընթեր վարչական հանձնաժողով:
3. Սույն որոշումը կարող է բողոքարկվել կամ վարչական կարգով Աբովյան համայնքի ղեկավարին՝  այն սահմանված կարգով հանձնելու (հանձնված համարվելու) օրվանից հետո՝ երեսուն օրվա ընթացքում կամ Հայաստանի Հանրապետության վարչական դատավարության օրենսգրքով սահմանված դատական կարգով՝ վարչական ակտի ուժի մեջ մտնելու պահից երկամսյա ժամկետում։
4. Սույն որոշման պահանջները չկատարելու դեպքում այն ենթակա է հարկադիր կատարման՝ որոշումն անբողոքարկելի դառնալուց հետո երեք ամսվա ընթացքում:
5. Սույն որոշումն ուժի մեջ է մտնում Աշոտ Հովհաննիսյանին որոշման ընդունման մասին իրազեկելու օրվան հաջորդող օրվանից: