Համաձայն Հողային օրենսգրքի 66-րդ հոդվածի 1-ին մասի 4-րդ կետի, «Տեղական ինքնակառավարման մասին» օրենքի 35-րդ հոդվածի 1-ին մասի 24-րդ կետի, «Անշարժ գույքի հարկով հարկման նպատակով անշարժ գույքի շուկայական արժեքին մոտարկված կադաստրային գնահատման կարգը սահմանելու մասին» օրենքի 3-րդ հոդվածի 3-րդ մասի և 4-րդ հոդվածի 2-րդ մասի 6-րդ կետի, Հայաստանի Հանրապետության կառավարության 2006 թվականի մայիսի 18-ի N 912-Ն, 2006 թվականի մայիսի 26-ի N 1022-Ն, 2020 թվականի հունիսի 4-ի N 1023-Ն որոշումների, Աբովյան համայնքի ավագանու 2024 թվականի օգոստոսի 13-ի N 111-Ն, դեկտեմբերի 24-ի N 203-Ն, 2025 թվականի սեպտեմբերի 17-ի N 146-Ա որոշումների, հաշվի առնելով Ռոմանոս Աբրահամյանի դիմումը (մուտք՝ 2025 թվականի փետրվարի 12-ի N Ք-805) և համաձայնությունը. 1. Աբովյան համայնքի սեփականություն հանդիսացող (հիմք` 2025 թվականի հունիսի 23-ի N 23062025-07-0215 վկայական) Աբովյան քաղաքի Զորավար Անդրանիկի փողոցի թիվ 7/9 հասցեում գտնվող խորդանոցը՝ 21.67 քառակուսի մետր արտաքին և 17.03 քառակուսի մետր ներքին մակերեսով և դրա պահպանման ու սպասարկման համար առանձնացված 300.0 քառակուսի մետր մակերեսով բնակելի կառուցապատման հողամասը գնման նախապատվության իրավունքով ուղղակի վաճառքով օտարել կառույցն իրականացրած Ռոմանոս Ժիրայրի Աբրահամյանին: 2. Ընդունել ի գիտություն, որ` 1) շինության պահպանումը չի խախտում այլ անձանց իրավունքները և օրենքով պահպանվող շահերը, վտանգ չի սպառնում քաղաքացիների կյանքին ու առողջությանը. 2) շինությունը, համաձայն համայնքի տարածակական պլանավորման փաստաթղթերի, կառուցված չէ Հողային օրենսգրքի 60-րդ հոդվածով սահմանված հողամասերի վրա, ինչպես նաև ինժեներատրանսպորտային օբյեկտների օտարման կամ անվտանգության գոտիներում. 3) շինությունը կառուցված չէ քաղաքաշինական նորմերի և կանոնների էական խախտումներով և չի առաջացնում հարկադիր սերվիտուտ պահանջելու իրավունք: 3. Ուղղակի վաճառքի գները սահմանված են հետևյալ հաշվարկով. 1) խորդանոցի 1 քառակուսի մետրի համար` 3 938 (երեք հազար ինը հարյուր երեսունութ) դրամ (տարածագնահատման 11-րդ գոտի, կիրառված գործակիցը` 0.1969). 2) առանձնացված հողամասի 1 քառակուսի մետրի կադաստրային արժեքը` 4 441.8 (չորս հազար չորս հարյուր քառասունմեկ ամբողջ ութ) դրամ: 4. Ռոմանոս Աբրահամյանը պարտավոր է վճարել. 1) համայնքապետարանի 900105201777 հաշվեհամարին՝ 85 340 (ութսունհինգ հազար երեք հարյուր քառասուն) դրամ՝ խորդանոցի գինը. 2) համայնքապետարանի 900105201363 հաշվեհամարին` 1 332 540 (մեկ միլիոն երեք հարյուր երեսուներկու հազար հինգ հարյուր քառասուն) դրամ` հողամասի գինը. 3) համայնքապետարանի 900105201652 հաշվեհամարին ծառայության վճարներ` 65 000 (վաթսունհինգ հազար) դրամ` օրինականացված ինքնակամ կառույցների օտարման համար, 10 000 (տասը հազար) դրամ` հասցեի տրամադրման համար: 5. Սահմանել, որ սույն որոշումից ծագող գույքային իրավունքների նոտարական ձևակերպման և պետական գրանցման հետ կապված վճարների ու տուրքերի վճարումը կատարվում է Ռոմանոս Աբրահամյանի կողմից: 6. Որոշման ընդունման օրվանից օրինականացման համար սահմանված վճարների` 60-օրյա ժամկետում չվճարման դեպքում որոշումը կհամարվի ուժը կորցրած: 7. Սույն որոշումն ուժի մեջ է մտնում Ռոմանոս Աբրահամյանին որոշման ընդունման մասին իրազեկելու օրվան հաջորդող օրվանից: |