Համաձայն «Տեղական ինքնակառավարման մասին» օրենքի 18-րդ հոդվածի 1-ին մասի 21-րդ կետի, հաշվի առնելով Համլետ Սուքիասյանի դիմումը (մուտք՝ 2022 թվականի հունիսի 8-ի N Ք-2634) և Աբովյան համայնքի ղեկավարի օգնականի զեկուցագիրը (մուտք՝ 2022 թվականի սեպտեմբերի 23-ի N Ք-4809) Աբովյան համայնքի ավագանին ո ր ո շ ու մ է`
1. Աբովյան համայնքի սեփականություն հանդիսացող (հիմք՝ 2021 թվականի ապրիլի 2-ի N 02042021-07-0034 վկայական) Արամուս գյուղի Կենտրոնական փողոցի թիվ 16/2 հասցեում գտնվող՝ 379.6 քառակուսի մետր մակերեսով տարածքը վարձակալության իրավունքով տրամադրել Համլետ Սուքիասյանին (հատակագիծը կցվում է):
2. Պայմանագիրը կնքել մինչև 2027 թվականի դեկտեմբերի 31-ը:
3. Սույն որոշման 1-ին կետում նշված անշարժ գույքի վարձավճարի ամսական չափը սահմանել 75 000 (յոթանասունհինգ հազար) հիմք՝ «ՎԱՐՄՕՆ ՌԻԵԼԹԻ» սահմանափակ պատասխանատվությամբ ընկերության 2022 թվականի հուլիսի 25-ի թիվ «239-01/Վ-022» գնահատման հաշվետվությունը:
4. Սահմանել, որ սույն որոշման 1-ին կետում նշված անշարժ գույքը վարձակալության իրավունքով տրամադրելու վերաբերյալ պայմանագիր կնքելու, դրանում փոփոխություն կատարելու և լուծելու մասին որոշումներն ընդունում է Աբովյան համայնքի ղեկավարը:
5. Սահմանել, որ սույն որոշումից ծագող գույքային իրավունքների նոտարական ձևակերպման և պետական գրանցման հետ կապված վճարների ու տուրքերի վճարումը կատարվում է Համլետ Սուքիասյանի կողմից:
6. Սույն որոշումն ուժի մեջ է մտնում որոշման ընդունման մասին իրազեկելու օրվան հաջորդող օրվանից։ |