Համաձայն «Տեղական ինքնակառավարման մասին» օրենքի 42-րդ հոդվածի 1-ին մասի 6-րդ կետի, Հայաստանի Հանրապետության կառավարության 2015 թվականի մարտի 19-ի N 596-Ն որոշման, Աբովյան համայնքի ավագանու 2023 թվականի դեկտեմբերի 22-ի N 197-Ն որոշման, հաշվի առնելով «ՎԵՈԼԻԱ ՋՈՒՐ» փակ բաժնետիրական ընկերության դիմումը (մուտք՝ 2024 թվականի ապրիլի 16-ի N Տ-736).
1. «ՎԵՈԼԻԱ ՋՈՒՐ» փակ բաժնետիրական ընկերությանը տալ Կոտայքի մարզի Առինջ գյուղի ջրամատակարարման բաշխիչ ցանցի վերակառուցման շինարարության թույլտվություն (շինարարության թույլտվությունը կցվում է):
2. «ՎԵՈԼԻԱ ՋՈՒՐ» փակ բաժնետիրական ընկերությունը պարտավոր է Աբովյանի համայնքապետարանի 900105201454 հաշվեհամարին մուծել 15 000 (տասնհինգ հազար) դրամ տեղական տուրք՝ շինարարության թույլտվության համար:
3. Շինարարական աշխատանքները կատարելիս անհրաժեշտ է տեղեկացնել «Աբովյանի համայնքային կոմունալ տնտեսություն» համայնքային ոչ առևտրային կազմակերպությանը, Հայաստանի Հանրապետության ներքին գործերի նախարարության ոստիկանության Կոտայքի մարզային վարչության Կոտայքի ճանապարհային ոստիկանությանը և մյուս շահագրգիռ կազմակերպություններին։
4. Կառուցապատողը շինարարական աշխատանքները սկսելուց առնվազն երեք օր առաջ պարտավոր Է Աբովյան համայնքի ղեկավարին ներկայացնել N 2-5 ձևի տեղեկանք:
5. Սույն որոշումն ուժի մեջ է մտնում «ՎԵՈԼԻԱ ՋՈՒՐ» փակ բաժնետիրական ընկերությանը որոշման ընդունման մասին իրազեկելու օրվան հաջորդող օրվանից: