Համաձայն «Տեղական ինքնակառավարման մասին» օրենքի 35-րդ հոդվածի 1-ին մասի 24-րդ կետի, «Անշարժ գույքի հարկով հարկման նպատակով անշարժ գույքի շուկայական արժեքին մոտարկված կադաստրային գնահատման կարգը սահմանելու մասին» օրենքի 4-րդ հոդվածի 2-րդ մասի 6-րդ կետի, Հայաստանի Հանրապետության կառավարության 2006 թվականի մայիսի 18-ի N 912-Ն որոշմամբ հաստատված կարգի 8-րդ, 9-րդ, 10-րդ, 11-րդ և 13-րդ կետերի, 2020 թվականի հունիսի 4-ի N 1023-Ն որոշման, հաշվի առնելով այն հանգամանքը, որ ծածկերը և պարիսպը կառուցված չեն ինժեներատրանսպորտային օբյեկտների օտարման կամ անվտանգության գոտիներում, քաղաքաշինական նորմերի և կանոնների էական խախտումներով, դրանց պահպանումը չի խախտում այլ անձանց իրավունքները և օրենքով պահպանվող շահերը, վտանգ չի սպառնում քաղաքացիների կյանքին ու առողջությանը, չի առաջացնում հարկադիր սերվիտուտ պահանջելու իրավունք, հիմք ընդունելով Խորեն Սարոյանի դիմումը (մուտք՝ 2025 թվականի հունվարի 30-ի N Ք-430).
1. Խորեն Սաֆարի Սարոյանին սեփականության իրավունքով պատկանող (հիմք՝ 2021 թվականի հունիսի 10-ի N 10062021-07-0142 վկայական) Աբովյան համայնքի Մայակովսկի գյուղի 10-րդ փողոցի 1-ին փակուղու թիվ 11 հասցեում գտնվող 1139.1 քառակուսի մետր մակերեսով բնակելի կառուցապատման հողամասում ինքնակամ կառուցված 54.7 քառակուսի մետր ծածկերը և 5.0 քառակուսի մետր մակերեսով պարիսպը համարել օրինական:
2. Խորեն Սարոյանը պարտավոր է ինքնակամ կառուցված ծածկերի և պարսպի օրինականացման համար սույն որոշման ընդունման օրվանից 60 (վաթսուն) օրվա ընթացքում Աբովյանի համայնքապետարանի 900105201397 հաշվեհամարին վճարել 99 879 (իննսունինը հազար ութ հարյուր յոթանասունինը) դրամ, հակառակ դեպքում սույն որոշումը կհամարվի ուժը  կորցրած: 
3. Սույն որոշումն ուժի մեջ է մտնում Խորեն Սարոյանին որոշման ընդունման մասին իրազեկելու օրվան հաջորդող օրվանից: