Զեկ. ԵՂԻՇԵ ԱՎԵՏԻՍՅԱՆ

Համաձայն Հողային օրենսգրքի 66-րդ հոդվածի 1-ին մասի 8-րդ կետի և 2-րդ մասի, «Տեղական ինքնակառավարման մասին» օրենքի 18-րդ հոդվածի 1-ին մասի 21-րդ կետի, Հայաստանի Հանրապետության կառավարության 2016 թվականի մայիսի 26-ի N 550-Ն որոշման 1-ին կետի 2-րդ և 3-րդ ենթակետերի, 2-րդ կետի, Աբովյան համայնքի ավագանու 2022 թվականի ապրիլի 15-ի N 25-Ն և 26-Ն որոշումների և հիմք ընդունելով Կարեն Ղուկասյանի դիմումը (մուտք՝ 2022 թվականի հուլիսի 22-ի N Ք-3533), Աբովյան համայնքի ավագանին ո ր ո շ ու մ է.
1. Արմինե Համլետի Ասրյանին և Կարեն Սրաբիկի Ղուկասյանին սեփականության իրավունքով պատկանող (հիմք՝ 2021 թվականի նոյեմբերի 04-ի N 04112021-07-0137 վկայական) Աբովյան քաղաքի 8-րդ միկրոշրջանի 4-րդ թաղամասի 15 հասցեում գտնվող բնակելի տան և դրա պահպանման ու սպասարկման համար առանձնացված բնակավայրերի նպատակային նշանակության բնակելի կառուցապատման գործառնական նշանակության 512.0 քառակուսի մետր մակերեսով հողամասին կից Աբովյան համայնքի սեփականություն հանդիսացող (հիմք՝ 2022 թվականի հուլիսի 13-ի N 13072022-07-0095 վկայական) Աբովյան քաղաքի 8-րդ միկրոշրջանի 4-րդ թաղամասի 15/1 հասցեում գտնվող 75.0 քառակուսի մետր մակերեսով բնակավայրերի նպատակային նշանակության բնակելի կառուցապատման գործառնական նշանակության հողամասը կադաստրային արժեքով, ուղղակի վաճառքով,  ընդլայնման նպատակով օտարել սահմանակից ընդլայնվող 07-002-0017-0019 կադաստրային ծածկագրով հողամասի սեփականատերեր Արմինե Ասրյանին և Կարեն Ղուկասյանին ։
2. Սույն որոշման 1-ին կետում նշված անձինք պարտավոր են՝
1) Աբովյանի համայնքապետարանի 900105201363 հաշվեհամարին մուծել 512 550 (հինգ հարյուր տասներկու հազար հինգ հարյուր հիսուն) դրամ՝ ընդլայնվող հողամասի կադաստրային արժեքը.
2) Աբովյանի համայնքապետարանի 900105201652 հաշվեհամարին մուծել 65 000 (վաթսունհինգ հազար) դրամ` համայնքի մատուցած ծառայությունների դիմաց փոխհատուցման վճար և 5 000 (հինգ հազար) դրամ՝ հասցեի տրամադրման ծառայության վճար:
3. Սահմանել, որ սույն որոշումից ծագող գույքային իրավունքների նոտարական ձևակերպման և պետական գրանցման հետ կապված վճարների ու տուրքերի վճարումը կատարվում են սույն որոշման 1-ին կետում նշված անձանց կողմից։
4. Սույն որոշումն ուժի մեջ է մտնում որոշման ընդունման մասին իրազեկելու օրվան հաջորդող օրվանից: