Համաձայն Հողային օրենսգրքի 67-70-րդ հոդվածների,  «Տեղական  ինքնակառավարման  մասին» օրենքի 35-րդ  հոդվածի 1-ին մասի 16-րդ կետի, Հայաստանի Հանրապետության կառավարության 2001 թվականի ապրիլի 12-ի N 286 որոշմամբ հաստատված կարգի  22-28-րդ կետերի, Աբովյան համայնքի ավագանու 2024 թվականի  դեկտեմբերի 24-ի N 203-Ն,  N 228-Ա որոշումների, հիմք ընդունելով հողամասն աճուրդով վաճառելու մասին 2025 թվականի մարտի 27-ի N 19 արձանագրությունը.
1. Աբովյան համայնքի սեփականություն հանդիսացող (հիմք`  2024  թվականի դեկտեմբերի 5-ի N 05122024-07-0195 վկայական)  Աբովյան համայնքի Կաթնաղբյուր գյուղում գտնվող 07-034-0127-0035 կադաստրային ծածկագրով 4103.8 քառակուսի մետր մակերեսով հողամասն օտարել Նորիկ Նահապետի Գալստյանին։
2. Ընդունել ի գիտություն, որ սույն որոշման 1-ին կետում նշված հողամասը հանդիսանում է գյուղատնտեսական նշանակության այլ հողատեսք,  չի հանդիսանում Հողային օրենսգրքի 60-րդ հոդվածով սահմանված հողամաս:
3. Նորիկ Նահապետի Գալստյանը պարտավոր է.
1)  համայնքապետարանի 900105201363 հաշվեհամարին վճարել 4 200 000 (չորս միլիոն երկու հարյուր հազար) դրամ` հողամասի գինը.
2) համայնքապետարանի 900105201652 հաշվեհամարին վճարել ծառայության վճար՝ 65 000 (վաթսունհինգ հազար) դրամ` աճուրդով վաճառվող գույքի իրավունքի տրամադրման համար:
4. Սահմանել, որ սույն որոշումից ծագող գույքային իրավունքների նոտարական ձևակերպման և պետական գրանցման հետ կապված վճարների ու տուրքերի վճարումը կատարվում է Նորիկ Նահապետի Գալստյանի  կողմից:
5. Սույն որոշումն ուժի մեջ է մտնում Նորիկ Նահապետի Գալստյանին որոշման ընդունման մասին իրազեկելու օրվան  հաջորդող օրվանից: