Համաձայն Հողային օրենսգրքի 3-րդ հոդվածի, 7-րդ հոդվածի 9-րդ և 15-րդ մասերի, «Տեղական ինքնակառավարման մասին» օրենքի 18-րդ հոդվածի 1-ին մասի 42-րդ կետի և հիմք ընդունելով Մերուժան Հակոբյանսի հայտը (մուտք՝ 2022 թվականի հունիսի 15-ի N Ք-2784), Աբովյան համայնքի ավագանին որոշում է.
1. Մերուժան Հակոբյանսին սեփականության իրավունքով պատկանող (հիմք՝ 2022 թվականի հունվարի 21-ի N 21012022-07-0004 վկայական) Աբովյան համայնքի Մայակովսկի գյուղում գտնվող 07-043-0134-0002 կադաստրային ծածկագրով 0,178 հեկտար գյուղատնտեսական նպատակային նշանակության վարելահողից 0.04 հեկտար հողամասի (համաձայն հատակագծի) նպատակային նշանակությունը փոփոխել արդյունաբերության, ընդերքօգտագործման և այլ արտադրական նշանակության գյուղատնտեսական արտադրական օբյեկտների՝ պտուղ-բանջարեղենի սառնարանային պահպանության շինություն կառուցելու նպատակով:
2. Սահմանել, որ հողամասի նպատակային նշանակությունը փոփոխված է համարվում պարզեցված կարգով միայն սեփականատիրոջ հայտի համաձայն համայնքի ավագանու կողմից այդ հողամասի նպատակային նշանակությունը փոխելու և համայնքի ղեկավարի կողմից տվյալ հողամասի ճարտարապետահատակագծային առաջադրանքը տրամադրելու մասին սահմանված կարգով կայացված որոշումներն ուժի մեջ մտնելուց և հողամասի նկատմամբ փոխված նպատակային նշանակությամբ իրավունքները պետական գրանցում ստանալուց հետո:
3.Սույն որոշումն ուժի մեջ է մտնում Մերուժան Հակոբյանսին որոշման ընդունման մասին իրազեկելու օրվան հաջորդող օրվանից։ |