Համաձայն Քաղաքացիական օրենսգրքի 605-րդ հոդվածի, «Տեղական ինքնակառավարման մասին» օրենքի 18-րդ հոդվածի 1-ին մասի 21-րդ կետի, հաշվի առնելով Հայաստանի Հանրապետության մշակույթի նախարարի գրությունը (մուտք՝ 2019 թվականի մայիսի 29-ի N Պ-898) և Հայաստանի Հանրապետության կրթության, գիտության, մշակույթի և սպորտի նախարարության գրությունը (մուտք՝ 2019 թվականի օգոստոսի 5-ի N Պ-1379), Աբովյան համայնքի ավագանին ո ր ո շ ու մ է`
1. Աբովյան համայնքի սեփականություն հանդիսացող (հիմք` 2019 թվականի նոյեմբերի 4-ի 04112019-07-0107 սեփականության վկայական) Բարեկամության հրապարակի թիվ 5/1 հասցեում գտնվող 419.96 քառակուսի մետր մակերեսով արհեստական լիճը, 3.18 և 14.86 քառակուսի մետր մակերեսներով հարթակները և դրանց պահպանման ու սպասարկման համար առանձնացված 5713.0 քառակուսի մետր մակերեսով հողամասը նվիրաբերել Հայաստանի Հանրապետությանը՝ ի դեմս Հայաստանի Հանրապետության կրթության, գիտության, մշակույթի և սպորտի նախարարությանը՝ «Հայ և ռուս ժողովուրդների բարեկամության թանգարան» պետական ոչ առևտրային կազմակերպության գործունեությանը համապատասխան նշանակությամբ օգտագործելու պայմանով։
2. Սահմանել, որ սույն որոշումից ծագող պետական գրանցման հետ կապված վճարների ու տուրքերի վճարումը կատարվում է Հայաստանի Հանրապետության կրթության, գիտության, մշակույթի և սպորտի նախարարության կողմից։
3. Սույն որոշումն ուժի մեջ է մտնում որոշման ընդունման մասին իրազեկելու օրվան հաջորդող օրվանից: |