Զեկ. ԱՐՄԵՆ ՊՈՂՈՍՅԱՆ

     Համաձայն Քաղաքացիական օրենսգրքի 685-686-րդ հոդվածների, «Տեղական ինքնակառավարման մասին» օրենքի 18-րդ հոդվածի 1-ին մասի 21-րդ կետի, հաշվի առնելով «Վեոլիա Ջուր» փակ բաժնետիրական ընկերության գրությունը (մուտք՝ 2019 թվականի մայիսի 3-ի N Տ-188), Աբովյան համայնքի ավագանին  ո ր ո շ ու մ   է`
     1. Աբովյան համայնքի սեփականություն հանդիսացող (հիմք՝ 2010 թվականի նոյեմբերի 1-ի N 2669025 վկայական) Սարալանջի փողոցի թիվ 18/8 հասցեում գտնվող կոմունալ ենթակառուցվածքների սպասարկման նպատակային նշանակության 1602,0 քառակուսի մետր մակերեսով  ջրմուղկոյուղու վարչական շենք-շինությունները  և դրանց պահպանման ու սպասարկման համար առանձնացված էներգետիկայի, կապի, տրանսպորտի և կոմունալ ենթակառուցվածքների օբյեկտների նպատակային նշանակության 8829,4 քառակուսի մետր մակերեսով կոմունալ ենթակառուցվածքների սպասարկման հողամասը անհատույց օգտագործման իրավունքով, մինչև 2024 թվականի դեկտեմբերի 31-ը տրամադրել «Վեոլիա Ջուր» փակ բաժնետիրական ընկերությանը։
     2. Անհատույց օգտագործման իրավունքը տրամադրվում է «Վեոլիա Ջուր» փակ բաժնետիրական ընկերությանը՝ մինչև 2020 թվականի դեկտեմբերի 31-ը ընկերության կողմից սույն որոշման 1-ին կետում նշված անշարժ գույքի վերանորոգման և բարեկարգման աշխատանքներ կատարելու պայմանով։
     3. Սահմանել, որ սույն որոշումից ծագող գույքային իրավունքների նոտարական ձևակերպման և պետական գրանցման  հետ կապված վճարների ու տուրքերի վճարումը կատարվում է «Վեոլիա Ջուր» փակ բաժնետիրական ընկերության կողմից:
     4. Սույն որոշումն ուժի մեջ է մտնում որոշման ընդունման մասին իրազեկելու օրվան հաջորդող օրվանից: