Համաձայն Հողային օրենսգրքի 67-70-րդ հոդվածների,  «Տեղական  ինքնակառավարման  մասին» օրենքի 35-րդ  հոդվածի 1-ին մասի 16-րդ կետի, Հայաստանի Հանրապետության կառավարության 2001 թվականի ապրիլի 12-ի N 286 որոշմամբ հաստատված կարգի  22-28-րդ կետերի, Աբովյան համայնքի ավագանու 2023 թվականի  դեկտեմբերի 22-ի N 198-Ն, N 199-Ն և N 217-Ա որոշումների, հիմք ընդունելով հողամասն աճուրդով վաճառելու մասին 2024 թվականի նոյեմբերի 20-ի N 39 արձանագրությունը.
1. Աբովյան համայնքի սեփականություն հանդիսացող (հիմք` 2024 թվականի օգոստոսի 6-ի N 06082024-07-0122 վկայական) Աբովյան համայնքի Գեղաշեն գյուղի 2-րդ թաղամասի 6-րդ փողոցի  թիվ 4/1 հասցեում գտնվող 254.0 քառակուսի մետր մակերեսով հողամասն օտարել Նաիրի Մանվելի Անդրեասյանին։
2. Ընդունել ի գիտություն, որ սույն որոշման 1-ին կետում նշված հողամասը հանդիսանում է բնակավայրերի նշանակության բնակելի կառուցապատման հողամաս, գտնվում է տարածագնահատման 14-րդ գոտում, հողամասի 1 քառակուսի մետրի կադաստրային արժեքը 1221 (հազար երկու հարյուր քսանմեկ) դրամ է, չի հանդիսանում Հողային օրենսգրքի 60-րդ հոդվածով սահմանված հողամաս:
3. Նաիրի Մանվելի Անդրեասյանը պարտավոր է.
1) համայնքապետարանի 900105201363 հաշվեհամարին վճարել  336 000 (երեք հարյուր երեսունվեց հազար) դրամ` հողամասի գինը.
2) համայնքապետարանի 900105201652 հաշվեհամարին վճարել 65 000 (վաթսունհինգ հազար) դրամ տեղական վճար` համայնքի տնօրինության ներքո գտնվող հողերը հատկացնելու դեպքում փաստաթղթերի (փաթեթի) նախապատրաստման համար, 10 000 (տասը հազար) դրամ՝ հասցեի տրամադրման ծառայության վճար:
4. Սահմանել, որ սույն որոշումից ծագող գույքային իրավունքների նոտարական ձևակերպման և պետական գրանցման հետ կապված վճարների ու տուրքերի վճարումը կատարվում է Նաիրի Մանվելի Անդրեասյանի  կողմից:
5. Սույն որոշումն ուժի մեջ է մտնում Նաիրի Մանվելի Անդրեասյանին որոշման ընդունման մասին իրազեկելու օրվան  հաջորդող օրվանից: