Համաձայն Քաղաքացիական օրենսգրքի 594-596-րդ հոդվածների, «Տեղական ինքնակառավարման մասին» օրենքի 18-րդ հոդվածի 1-ին մասի 21-րդ կետի, Հայաստանի Հանրապետության կառավարության 1998 թվականի հուլիսի 20-ի N 451 որոշման, հաշվի առնելով Ժաննա Աշրաֆյանի լիազորած անձ Մարիամ Ասատրյանի դիմումը (մուտք՝ 2025 թվականի փետրվարի 27-ի N Ք-1201), Աբովյան համայնքի ավագանին  ո ր ո շ ու մ  է`         
1. Աբովյան համայնքի սեփականություն հանդիսացող (հիմք` 2024 թվականի օգոստոսի 7-ի N 07082024-07-0034 և օգոստոսի 6-ի N 06082024-07-0166 վկայականներ) Աբովյան քաղաքի Հանրակացարանային թաղամասի 6 շենքի 13.2 քառակուսի մետր մակերեսով թրվ 56 և 17.7 քառակուսի մետր մակերեսով թիվ 60 բնակարաններն անհատույց օտարել Ժաննա Արարատի Աշրաֆյանին: 
2. Սույն որոշումից ծագող գույքային իրավունքների նոտարական ձևակերպման և պետական գրանցման հետ կապված վճարների ու տուրքերի վճարումը կատարվում է Ժաննա Աշրաֆյանի կողմից:
3. Սույն որոշումն ուժի մեջ մտնելու օրվանից 60-օրյա ժամկետում որոշումից ծագող գույքային իրավունքների նոտարական ձևակերպում չկատարելու դեպքում որոշումը կհամարվի ուժը կորցրած:
4. Սույն որոշումն ուժի մեջ է մտնում որոշման ընդունման մասին իրազեկելու օրվան հաջորդող օրվանից: