Համաձայն Հողային օրենսգրքի 66-րդ հոդվածի 1-ին մասի 8-րդ կետի և 2-րդ մասի, «Տեղական ինքնակառավարման մասին» օրենքի 18-րդ հոդվածի 1-ին մասի 21-րդ կետի, Հայաստանի Հանրապետության կառավարության 2016 թվականի մայիսի 26-ի N 550-Ն որոշման 1-ին կետի 2-րդ, 4-րդ, ենթակետերի և 2-րդ կետի, Աբովյան համայնքի ավագանու 2022 թվականի դեկտեմբերի 28-ի N 192-Ն և N 193-Ն որոշումների և հիմք ընդունելով Արթուր Հովհաննիսյանի դիմումը (մուտք՝ 2023 թվականի մարտի 24-ի N Ք-1503), Աբովյան համայնքի ավագանին ո ր ո շ ու մ է.
1. Արթուր Թաթուլի Հովհաննիսյանին սեփականության իրավունքով պատկանող (հիմք՝ 2022 թվականի փետրվարի 16-ի N 16022022-07-0193 վկայական) Աբովյան քաղաքի Օգոստոսի 23-ի փողոցի թիվ 1/13 հասցեում գտնվող 07-002-0049-0478 կադաստրային ծածկագրով բնակավայրերի նպատակային նշանակության հասարակական կառուցապատման 538.5 քառակուսի մետր մակերեսով հողամասին կից Աբովյան համայնքի սեփականություն հանդիսացող (հիմք՝ 2023 թվականի մարտի 31-ի N 31032023-07-0250 վկայական) Աբովյան քաղաքի Օգոստոսի 23-ի փողոցի թիվ 7 հասցեում գտնվող 07-002-0049-0767 կադաստրային ծածկագրով 133.2 քառակուսի մետր մակերեսով բնակավայրերի նպատակային նշանակության հասարակական կառուցապատման հողամասը, կադաստրային արժեքով, ուղղակի վաճառքով, ընդլայնման նպատակով օտարել սահմանակից ընդլայնվող 07-002-0049-0478 կադաստրային ծածկագրով հողամասի սեփականատեր Արթուր Թաթուլի Հովհաննիսյանին։
2. Արթուր Հովհաննիսյանը պարտավոր է՝
1) Աբովյանի համայնքապետարանի 900105201363 հաշվեհամարին վճարել 2 154 724 (երկու միլիոն հարյուր հիսունչորս հազար յոթ հարյուր քսանչորս) դրամ՝ ընդլայնվող հողամասի կադաստրային արժեքը.
2) Աբովյանի համայնքապետարանի 900105201652 հաշվեհամարին վճարել 65 000 (վաթսունհինգ հազար) դրամ՝ համայնքի մատուցած ծառայությունների դիմաց փոխհատուցման վճար և 5 000 (հինգ հազար) դրամ՝ հասցեի տրամադրման ծառայության վճար.
3. Սահմանել, որ սույն որոշումից ծագող գույքային իրավունքների նոտարական ձևակերպման և պետական գրանցման հետ կապված վճարների ու տուրքերի վճարումները կատարվում են Արթուր Հովհաննիսյանի կողմից։
4. Սույն որոշումն ուժի մեջ է մտնում Արթուր Հովհաննիսյանին որոշման ընդունման մասին իրազեկելու օրվան հաջորդող օրվանից։ |