Զեկ. ՏԻԳՐԱՆ ՂԱԶԱՐՅԱՆ

Համաձայն Հողային օրենսգրքի 66-րդ հոդվածի 1-ին մասի 8-րդ կետի, «Տեղական ինքնակառավարման մասին» օրենքի 18-րդ հոդվածի 1-ին մասի 21-րդ կետի, Հայաստանի Հանրապետության կառավարության 2005 թվականի դեկտեմբերի 29-ի N 2387-Ն որոշմամբ հաստատված կարգի 29-րդ, 48-րդ և 49-րդ կետերի, 2016 թվականի մայիսի 26-ի N 550-Ն որոշման 1-ին կետի 2-րդ ենթակետի, Աբովյան համայնքի ավագանու 2019 թվականի դեկտեմբերի 24-ի N 118-Ն և 119-Ն որոշումների և հաշվի առնելով Կարոլինա Եպիսկոպոսյանի դիմումը (մուտք՝ 2020 թվականի դեկտեմբերի 14-ի N Ք-2477), Աբովյան համայնքի ավագանին ո ր ո շ ու մ է.
1. Կարոլինա Իվանի Եպիսկոպոսյանին սեփականության իրավունքով պատկանող (հիմք՝ 2014 թվականի փետրվարի 01-ի N 01022014-07-0006 վկայական) Աբովյան քաղաքի 8-րդ միկրոշրջանի 3-րդ թաղամասի թիվ 76 հասցեում գտնվող բնակելի տան և շինությունների պահպանման  ու սպասարկման համար առանձնացված բնակավայրերի նպատակային նշանակության բնակելի կառուցապատման գործառնական նշանակության 540.0 քառակուսի մետր մակերեսով հողամասին կից Աբովյան համայնքի սեփականություն հանդիսացող (հիմք՝ 2020 թվականի դեկտեմբերի 11-ի N 11122020-07-0124 վկայական) Աբովյան քաղաքի 8-րդ միկրոշրջանի 3-րդ թաղամասի թիվ 76/1 հասցեում գտնվող 107.8 քառակուսի մետր մակերեսով բնակելի կառուցապատման գործառնական նշանակության հողամասը գնման նախապատվության իրավունքով, ընդլայնման նպատակով, հողի կադաստրային արժեքով ուղղակի վաճառքով օտարել Կարոլինա Եպիսկոպոսյանին։
2. Կարոլինա Եպիսկոպոսյանը պարտավոր է՝ 
1) Աբովյանի համայնքապետարանի 900105201363 հաշվեհամարին մուծել 316 932 (երեք հարյուր տասնվեց հազար ինը հարյուր երեսուներկու) դրամ՝ ընդլայնվող հողամասի կադաստրային արժեքը.
2) Աբովյանի համայնքապետարանի 900105201652 հաշվեհամարին մուծել 65 000 (վաթսունհինգ հազար) դրամ` համայնքի մատուցած ծառայությունների դիմաց փոխհատուցման վճար և 5 000 (հինգ հազար) դրամ՝ հասցեի տրամադրման ծառայության վճար:
3. Սահմանել, որ սույն որոշումից ծագող գույքային իրավունքների նոտարական ձևակերպման և պետական գրանցման հետ կապված վճարների ու տուրքերի վճարումը կատարվում է Կարոլինա Եպիսկոպոսյանի կողմից։
4. Սույն որոշումն ուժի մեջ է մտնում Կարոլինա Եպիսկոպոսյանին որոշման ընդունման մասին իրազեկելու օրվան հաջորդող օրվանից: