Զեկ. ՎԱՆԻԿ ԲԱԲԱՋԱՆՅԱՆ

Համաձայն «Տեղական ինքնակառավարման մասին» օրենքի 14-րդ և 65-րդ հոդվածների, Աբովյան համայնքի ավագանին ո ր ո շ ու մ  է`
1. Հաստատել Աբովյան համայնքի ավագանու 2023 թվականի հուլիսի 11-ի արտահերթ իններորդ նիստի հետևյալ օրակարգը.
1) Աբովյան համայնքի 2023 թվականի բյուջեի առաջին կիսամյակի եկամուտների և ծախսերի կատարողականի մասին.
2) Հայաստանի Հանրապետության Կոտայքի մարզի Աբովյան համայնքի ղեկավարի կողմից 2023 թվականի հուլիսի 1-ի դրությամբ կազմված հողային հաշվեկշռին համաձայնություն տալու մասին.
3) Աբովյան համայնքի Մայակովսկի գյուղում գտնվող 07-043-0138-0070 կադաստրային ծածկագրով հողամասի նպատակային նշանակությունը փոփոխելու մասին.
4) Աբովյան համայնքի ավագանու 2022 թվականի մայիսի 13-ի N 57-Ա որոշման մեջ փոփոխություն և լրացում կատարելու մասին.
5) Աբովյան համայնքի սեփականություն հանդիսացող հողամասերի վրա ինքնակամ կառուցված շինությունները և դրանց պահպանման ու սպասարկման համար առանձնացված հողամասերն ուղղակի վաճառքով օտարելու կամ վարձակալության իրավունքով տրամադրելու մասին.
6) Աբովյան համայնքի ավագանու 2023 թվականի փետրվարի 16-ի N 19-Ա որոշման մեջ լրացումներ կատարելու մասին:
2. Սույն որոշումն ուժի մեջ է մտնում ընդունման պահից։