Համաձայն Հողային օրենսգրքի 66-րդ հոդվածի 1-ին մասի 8-րդ կետի և 2-րդ մասի, «Տեղական ինքնակառավարման մասին» օրենքի 18-րդ հոդվածի 1-ին մասի 21-րդ կետի, Հայաստանի Հանրապետության կառավարության 2016 թվականի մայիսի 26-ի N 550-Ն որոշման 1-ին կետի 3-րդ ենթակետի, 2-րդ կետի, Աբովյան համայնքի ավագանու 2025 թվականի հունվարի 23-ի N 04-Ն որոշման, հիմք ընդունելով Կարեն և Արփինե Թովմասյանների դիմումը (մուտք՝ 2025 թվականի մարտի 26-ի N Ք-1951), Աբովյան համայնքի ավագանին ո ր ո շ ու մ է.
1. Կարեն և Արփինե Թովմասյաններին ընդհանուր համատեղ սեփականության իրավունքով պատկանող (հիմք՝ 2024 թվականի նոյեմբերի 20-ի N 20112024-07-0059 վկայական) Աբովյան համայնքի Աբովյան քաղաքի Արզնի խճուղու թիվ 14 հասցեում գտնվող 07-002-0071-0123 կադաստրային ծածկագրով արդյունաբերության, ընդերքօգտագործման և այլ արտադրական նպատակային նշանակության 1108.94 քառակուսի մետր մակերեսով արդյունաբերական օբյեկտների հողամասին կից Աբովյան համայնքի սեփականություն հանդիսացող (հիմք՝ 2025 թվականի մարտի 24-ի N 24032025-07-0158 վկայական) Աբովյան քաղաքի Արզնի խճուղու թիվ 18 հասցեում գտնվող 07-002-0071-0126 կադաստրային ծածկագրով 200.3 քառակուսի մետր մակերեսով արդյունաբերության, ընդերքօգտագործման և այլ արտադրական նպատակային նշանակության արդյունաբերական օբյեկտների հողամասը կադաստրային արժեքով, ուղղակի վաճառքով, ընդլայնման նպատակով օտարել սահմանակից ընդլայնվող 07-002-0071-0123 կադաստրային ծածկագրով հողամասի սեփականատերեր Կարեն և Արփինե Թովմասյաններին։
2. Սույն որոշման 1-ին կետում նշված անձինք պարտավոր են՝
1) Աբովյանի համայնքապետարանի 900105201363 հաշվեհամարին վճարել 889 693 (ութ հարյուր ութսունինը հազար վեց հարյուր իննսուներեք) դրամ՝ օտարվող հողամասի կադաստրային արժեքը.
2) Աբովյանի համայնքապետարանի 900105201652 հաշվեհամարին վճարել 65 000 (վաթսունհինգ հազար) դրամ՝ համայնքի մատուցած ծառայությունների դիմաց փոխհատուցման վճար և 10 000 (տասը հազար) դրամ՝ հասցեի տրամադրման ծառայության վճար:
3. Սահմանել, որ սույն որոշումից ծագող գույքային իրավունքների նոտարական ձևակերպման և պետական գրանցման հետ կապված վճարների ու տուրքերի վճարումները կատարվում են Կարեն և Արփինե Թովմասյանների կողմից։
4. Սույն որոշումն ուժի մեջ է մտնում որոշման ընդունման մասին իրազեկելու օրվան հաջորդող օրվանից։ |