Համաձայն Հողային օրենսգրքի 3-րդ հոդվածի, «Տեղական ինքնակառավարման մասին» օրենքի 18-րդ հոդվածի 1-ին մասի 42-րդ կետի, Հայաստանի Հանրապետության կառավարության 2011 թվականի դեկտեմբերի 29-ի N 1918-Ն որոշմամբ հաստատված կարգի 17-րդ կետի, հաշվի առնելով Աշոտ Ռևազյանի դիմումը (մուտք՝ 2022 թվականի նոյեմբերի 3-ի N Ք-5575) և հիմք ընդունելով հողերի օգտագործման ժամանակավոր սխեմաների համաձայնեցման միջգերատեսչական հանձնաժողովի 2023 թվականի փետրվարի 1-ի N 9 դրական եզրակացությունը, Աբովյան համայնքի ավագանին ո ր ո շ ու մ է.
1. Փոփոխել Աշոտ Ռևազյանին սեփականության իրավունքով պատկանող (հիմք՝ 2022 թվականի օգոստոսի 24-ի N 24082022-07-0063 վկայական) Աբովյան համայնքի Պտղնի գյուղում  գտնվող 07-054-0306-0048 կադաստրային ծածկագրով 0.04 հեկտար մակերեսով գյուղատնտեսական նշանակության  հողամասի (վարելահող) նպատակային նշանակությունը որպես բնակավայրերի նպատակային նշանակության բնակելի կառուցապատման հողամաս։
2. Աշոտ Ռևազյանը պարտավոր է 0.04 հեկտար մակերեսով գյուղատնտեսական նշանակության հողամասի նպատակային նշանակության փոփոխության համար Աբովյանի համայնքապետարանի 900105201363 հաշվեհամարին մուծել  հողամասի տվյալ պահին գործող կադաստրային արժեքների տարբերությունը, որը կազմում է 1 776 720 (մեկ միլիոն յոթ հարյուր յոթանասունվեց հազար յոթ հարյուր քսան) դրամ:
3. Սույն որոշումն ուժի մեջ է մտնում Աշոտ Ռևազյանին  որոշման ընդունման մասին իրազեկելու օրվան հաջորդող օրվանից: